22 Avqust 2019, Cümə axşamı - 16:22

Monako-2016: İkinci sərbəst yürüşlər

Monako-2016: İkinci sərbəst yürüşlər

Müəllif: Rəhim N.Əliyev, baş redaktor

17:54 - 26 May, 2016

Nahardan əvvəl bir neçə qəza baş vermişdi və sessiya qırmızı bayraqlar altında başa çatmışdı – drenaj sisteminin qopmuş qapağı Rosberq və Battonun maşınlarını zədələmişdi. Sessiyadan sonra marşallar öz sahələrində bütün qapaqları yoxlayıblar, Çarli Uaytinq şəxsən trası təftiş edib, amma başqa problem üzə çıxmayıb. GP2 seriyasının məşqləri bir az gec başlasa da, Formula1-in ikinci sərbəst yürüşləri qrafikə uyğun vaxtda start alıb.

F-1.az xatırladır ki, Massa və Palmer birinci sessiyada qəza yaşamışdılar, ikinci sessiyanın əvvəlində mexaniklər hələ maşınları bərpa etməklə məşğul olublar. Digər sürücülər isə trasa tələsiblər – asfaltın vəziyyəti bir qədər yaxşılaşıb, örtüyün temperaturu sıralanma turunda gözlənilən kəmiyyətə yaxınlaşıb. Massa yarım saat sonra, Palmer isə bir saat sonra məşqlərə başlayıb.

Startdan 8 dəqiqə sonra Virtual Təhlükəsizlik Maşını (VSC) rejimi elan olunub – Roman Qrojan tunelin çıxışında qəzaya uğradığı üçün qırıntıları trasdan yığışdırmaq lazım gəlib. Qırx dəqiqədən sonra isə həmin yerdə Haryanto qəzaya uğrayıb və yenə də VSC rejimi elan olunub.

Sebastyan Fettelin 5-ci döngədə yerində fırlanması baryerlərə yüngül toxunuşla nəticələnib, amma Sebastyan özünü boksa çatdıra bilib. Sonuncu döngədə qəzaya uğrayan Kevin Maqnussen isə boksa piyada qayıdıb.

UltraSoft tərkibinin resursunu hamını təəccübləndirib – dünən mütəxəssislər hesab edirdilər ki, bu təkərlərlə az dövrə vurmaq imkanı olacaq, yarışda isə sürücülər iki pit-stop edəcəklər, amma bu gün bənövşəyi təkər dəsti stabil tempdə 30 dövrə vurmağa imkan verib.

Sessiyanın əvvəlində Rikkardo UltraSoft təkərlərlə Həmiltonun keçən il poul qazandığı nəticəni üstələyib, bir qədər sonra isə öz nəticəsini daha yarım saniyə yaxşılaşdırıb – 1:14.607, ən böyük məsafəni isə Karlos Sayns qət edib – 54 dövrə.

Sabah Formula1 sürücülər trasda işləməyəcəklər, məşqlər şənbə günü davam edəcək…

YerNSürücüKomandaZamanFərqDövrə
13Daniel RikkardoRed Bull1:14.60740
244Lyuis HəmiltonMercedes AMG1:15.213+ 0:00.60636
36Niko RosberqMercedes AMG1:15.506+ 0:00.89948
433Maks FerstappenRed Bull1:15.571+ 0:00.96442
526Daniel KvyatToro Rosso1:15.815+ 0:01.20853
655Karlos SaynsToro Rosso1:15.981+ 0:01.37454
77Kimi RəykkönenFerrari1:16.040+ 0:01.43338
811Serxio PeresForce İndia1:16.120+ 0:01.51348
95Sebastyan FettelFerrari1:16.269+ 0:01.66240
1022Censon BattonMcLaren1:16.325+ 0:01.71846
1127Niko HülkenberqForce İndia1:16.487+ 0:01.88049
1214Fernando AlonsoMcLaren1:16.723+ 0:02.11643
1321Esteban QutyerresHaas1:16.782+ 0:02.17540
1477Valtteri BottasWilliams1:16.849+ 0:02.24247
158Roman QrojanHaas1:16.874+ 0:02.26723
1619Felipe MassaWilliams1:17.286+ 0:02.67942
1720Kevin MaqnussenRenault1:17.530+ 0:02.92329
189Markus ErikssonSauber1:17.562+ 0:02.95539
1930Colion PalmerRenault1:17.761+ 0:03.15424
2012Felipe NasrSauber1:17.999+ 0:03.39249
2188Rio HaryantoManor1:18.647+ 0:04.04010
2294Paskal VerlyaynManor1:18.814+ 0:04.20746

Son Xəbərlər

İnformasiya

Bölüm Xəbərlər
Mənbə
Baxış Sayı 527
Teqlər , , , ,
Paylaş

logo