Meksika-2016: Birinci sərbəst yürüşlər

Meksika vaxtı ilə səhər saatlarına təsadüf edən birinci sərbəst yürüşlər buludlu, lakin quru havada baş tutub. Temperatur +13 dərəcəyə, asfatlın istiliyi isə +25 dərəcəyə qədər yüksəlib.

F-1.az bildirir ki, Verlyayn, Massa, Nasr və Peres Halo sistemi ilə trasa çıxıblar. Kiçik bir fasilədən sonra adı çəkilən sürücülər sərbəst yürüşlərdəki ənənəvi proqramlarına başlayıblar. Halo sistemini yoxlamaq növbəsi isə Maqnussenə çatıb.

Startdan yarım saat keçdikdən sonra sessiya qırmızı bayraqlarla dayandırılıb. Buna səbəb Nasrın bolidinin sərt döngədə ön qanadının qırılması olub. Braziliyalı sürücü bolidini sərbəst şəkildə boksa gətirib. Marşallar trası təmizləyiblər və 8 dəqiqə fasilədən sonra sessisya yenidən başlayıb. Nasr bir də sessiyanın sonunda trasa qayıdıb.

Komandalar əyləclərin soyutma sistemlərinin konfiqurasiyaları üzərində eksperimentlər aparıblar. Ardıcıl dövrələrdən sonra boksa qayıdan Maksın arxa əyləcləri alovlanıb və yanğınsöndürənlərdən istifadə olunub. Mexaniklər maşının üzərində işləsələr də, Maks sessiyanı vaxtından əvvəl tamamlayıb.

Keçən il ilk yarış olduğundan asfalt örtüyü yeni idisə də, bu il asfaltla ilişmə artıb və sürücülər artıq sessiyanın əvvəlində keçən il sərbəst yürüşlərdə göstərilmiş nəticələri bir neçə saniyə üstələyiblər. Sessiyanın sonunda 16-cı döngənin olduğu hissədə az miqdarda yağış yağsa da, trasın vəziyyətinə təsir etməyib.

Həmilton protokollara başçılıq edib – 1:20.914. Növbəti iki yeri Ferrari sürücüləri tutublar, onları isə Force İndia sürücüləri izləyiblər. Çempionatın lideri Rosberq ancaq yeddinci ola bilib. Nahardan sonra məşqlər davam edəcək…

Yer N Sürücü Komanda Zaman Fərq Dövrə
1 44 Lyuis Həmilton Mercedes AMG 1:20.914 34
2 5 Sebastyan Fetteı Ferrari 1:20.993 + 0:00.079 23
3 7 Kimi Rəykkönen Ferrari 1:21.072 + 0:00.158 19
4 11 Serxio Peres Force İndia 1:21.200 + 0:00.286 23
5 27 Niko Hülkenberq Force İndia 1:21.409 + 0:00.495 23
6 77 Valtteri Bottas Williams 1:21.447 + 0:00.533 34
7 6 Niko Rosberq Mercedes AMG 1:21.673 + 0:00.759 32
8 3 Daniel Rikkardo Red Bull 1:21.727 + 0:00.813 27
9 19 Felipe Massa Williams 1:21.836 + 0:00.922 31
10 26 Daniil Kvyat Toro Rosso 1:22.215 + 0:01.301 29
11 8 Roman Qrojan Haas 1:22.500 + 0:01.586 21
12 55 Karlos Sayns Toro Rosso 1:22.563 + 0:01.649 32
13 9 Markus Eriksson Sauber 1:22.723 + 0:01.809 17
14 33 Maks Ferstappen Red Bull 1:22.877 + 0:01.963 10
15 21 Esteban Qutyerres Haas 1:22.910 + 0:01.996 23
16 14 Fernando Alonso McLaren 1:23.089 + 0:02.175 25
17 12 Felipe Nasr Sauber 1:23.089 + 0:02.175 12
18 22 Censon Batton McLaren 1:23.342 + 0:02.428 24
19 20 Kevin Maqnussen Renault 1:23.556 + 0:02.642 32
20 31 Esteban Okon Manor 1:24.083 + 0:03.169 30
21 30 Colion Palmer Renault 1:24.097 + 0:03.183 35
22 94 Paskal Verlyayn Manor 1:24.350 + 0:03.436 28
, , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*