McLaren komandasının mexanikləri nahardan əvvəl bir neçə metr məsafə qət etmiş Alonsonun maşınında güc qurğusunu dəyişməli olublar – ispaniyalı sürücünün maşınında yağ sızması baş verib. Honda problemin səbəblərini sonra araşdıracaq, indi isə sadəcə qurğunu dəyişməklə kifayətləniblər. Tribunalara toplaşmış azarkeşlərin sevimli sürücüsü sessiyanın ilk yarım saatını gözləməli olsa da, sonra da kifayət qədər işləyə bilməyib.
Ferstappen 9-cu döngədə trasdan çıxaraq çınqıllığa düşüb, amma trasa qayıdaraq işini davam etdirə bilib. Sessiyanın sonuna yarım saat qalmış marşallar qırmızı bayraqlara əl atıblar – Karlos Sayns porebrikə hücum etdikdən sonra trasda qalan maşından ayrılan elementi trasdan götürmək lazım gəlib. Sürücülər uzun dövrələr seriyalarına ara verərək boksa qayıdıblar, amma qısa fasilədən sonra işlərini davam etdiriblər.
F-1.az bildirir ki, son dəqiqələrdə Fettel 4-cü döngənin çıxışında trasdan çıxıb və güclü küləyə gileylənib.
Medium-la sessiyaya başlayan sürücülər Soft təkərlərə keçən kimi sürətlər də artıb. Səhər olduğu kimi, Həmilton protokollara başçılıq edib – 1:20.802, trasın mütləq rekorduna bir saniyədən az qalıb.
Sabah məşqlər davam edəcək…
| Yer | N | Sürüüc | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:20.802 | – | 39 |
| 2 | 77 | Valtteri Bottas | Mercedes AMG | 1:20.892 | + 0:00.090 | 38 |
| 3 | 7 | Kimi Rəykkönen | Ferrari | 1:21.112 | + 0:00.310 | 34 |
| 4 | 5 | Sebastyan Fettel | Ferrari | 1:21.220 | + 0:00.418 | 36 |
| 5 | 33 | Maks Ferstappen | Red Bull | 1:21.438 | + 0:00.636 | 29 |
| 6 | 3 | Daniel Rikkardo | Red Bull | 1:21.585 | + 0:00.783 | 35 |
| 7 | 27 | Niko Hülkenberq | Renault | 1:21.687 | + 0:00.885 | 40 |
| 8 | 30 | Colion Palmer | Renault | 1:21.992 | + 0:01.190 | 43 |
| 9 | 19 | Felipe Massa | Williams | 1:22.015 | + 0:01.213 | 38 |
| 10 | 55 | Karlos Sayns | Toro Rosso | 1:22.265 | + 0:01.463 | 34 |
| 11 | 8 | Roman Qrojan | Haas | 1:22.371 | + 0:01.569 | 36 |
| 12 | 31 | Esteban Okon | Force İndia | 1:22.520 | + 0:01.718 | 37 |
| 13 | 2 | Stoffel Vandorn | McLaren | 1:22.693 | + 0:01.891 | 36 |
| 14 | 11 | Serxio Peres | Force İndia | 1:22.722 | + 0:01.920 | 32 |
| 15 | 20 | Kevin Maqnussen | Haas | 1:23.007 | + 0:02.205 | 32 |
| 16 | 9 | Markus Eriksson | Sauber | 1:23.082 | + 0:02.280 | 37 |
| 17 | 18 | Ləns Stroll | Williams | 1:23.221 | + 0:02.419 | 35 |
| 18 | 26 | Daniil Kvyat | Toro Rosso | 1:23.236 | + 0:02.434 | 27 |
| 19 | 94 | Paskal Verlyayn | Sauber | 1:23.599 | + 0:02.797 | 31 |
| 20 | 14 | Fernando Alonso | McLaren | 1:24.077 | + 0:03.275 | 21 |
