Emiliya Romanya Qran Prisi: Sıralanma turu

F-1.az xatırladır ki, Liberty Media yeni təqvimi tərtib edərkən iştirakçıların Portuqaliyadan dərhal bura gəlmələrində yarana biləcək çətinlikləri nəzərə almışdı və İmoladakı həftəsonunun 2 günlük formatda olacağını açıqlamışdı. Bu gün baş tutan yeganə sərbəst yürüşlərdə Lyuis Həmilton protokollara başçılıq edib.

Pirelli buraya C2, C3 və C4 tərkiblərini gətirib. Sürücülər cümə günü işləmədiklərindən, hamıya ümumi 10 dəst (2 dəst Hard, 2 dəst Medium və 6 dəst Soft) təkər verilib.

İlk Sessiyada hamı Soft təkərlərlə mübarizəyə başlayıb. Yolun darlığı sürücülərin bir-birinə mane olmasıyla nəticələnib. Elbonla Bottasın ilk cəhddəki nəticələri ləğv edilib. Sonlara yaxın Maqnussen trasdan çıxıb və boksa qayıdaraq mübarizəni dayandırıb. Onunla birlikdə Covinatsi, Latifi, Rəykkönen və Qrojan üçün də sıralanma turu başa çatıb. Ən yaxşı nəticəni istə Bottas göstərib – 1:14.221.

İkinci sessiyada Mercedes, Ferrari və Red Bull sürücüləri sabah fərqli strategiya seçmək üçün Medium, digərləri isə Soft təkərlərlə ilk cəhdlərinə çıxıblar. Ferstappen motorun güc itirməsindən şikayətlənib və boksa qayıdıb. Problem tezliklə aradan qaldırılıb. Ferrari sürücüləri ilk onluğa düşə bilmək üçün ikincə cəhdlərini Soft təkərlərlə ediblər. Ferstappen əlindəki yeganə dövrə şansından istifadə edərək altıncı ola bilib. Bottas bu dəfə də 1:14.585-lik nəticə ilə hamını üstələyib, Stroll, Fettel, Rassell, Okon və Peres mübarizəni dayandırıblar.

Son sessiyada hamı Soft təkərlərlə trasa çıxıb. Həmilton ilk cəhddə komanda yoldaşını üstələyib. Elbonun nəticəsi isə trasdan tam çıxdığı üçün ləğv edilib. İkinci cəhddə Həmilton nəticəsini yaxşılaşdırsa da, Bottasın poul qazanmasına mane ola bilməyib – finlandiyalı sürücü 1:13.609-luq nəticə ilə yarışa ilk sıradan başlamağa haqq qazanıb.

Beləliklə, Valtteri Bottas bu mövsüm dördüncü, karyerasında isə 15-ci poulunu əldə edib. Lyuis Həmilton ikinci olaraq komandasının növbəti dəfə ilk cərgədən başlamasına kömək edib. Maks Ferstappen üçüncü, Pyer Qasli isə böyük sürprizə imza ataraq dördüncü olub və bu iki sürücü sabahkı yarışa ikinci cərgədən başlayacaqlar. Üçüncü cərgə isə Daniel Rikkardo və Aleksander Elbonundur.

Yarış sabah Bakı vaxtı ilə 16:10-da start götürəcək…

Yer	N	Sürücü	Komanda	1-ci sessiya			2-ci sessiya			3-cü sessiya
Yer	N	Sürücü	Komanda	Yer	Zaman	Dövrə	Yer	Zaman	Dövrə	Zaman	Dövrə
1	77	Valtteri Bottas	Mercedes AMG	1	1:14.221	10	1	1:14.585	6	1:13.609	6
2	44	Lyuis Həmilton	Mercedes AMG	2	1:14.229	10	2	1:14.643	6	1:13.706	6
3	33	Maks Ferstappen	Red Bull	3	1:15.034	5	6	1:14.974	5	1:14.176	6
4	10	Pyer Qasli	AlphaTauri	5	1:15.183	5	3	1:14.681	8	1:14.502	6
5	3	Daniel Rikkardo	Renault	11	1:15.474	6	5	1:14.953	6	1:14.520	6
6	23	Aleksander Elbon	Red Bull	8	1:15.402	8	4	1:14.745	7	1:14.572	6
7	16	Şarl Lekler	Ferrari	4	1:15.123	5	7	1:15.017	9	1:14.616	6
8	26	Daniil Kvyat	AlphaTauri	10	1:15.412	5	8	1:15.022	10	1:14.696	6
9	4	Lando Norris	McLaren	6	1:15.274	5	10	1:15.051	6	1:14.814	6
10	55	Karlos Sayns	McLaren	12	1:15.528	7	9	1:15.027	6	1:14.911	6
11	11	Serxio Peres	Racing Point	9	1:15.407	10	11	1:15.061	6
12	31	Esteban Okon	Renault	7	1:15.352	8	12	1:15.201	6
13	63	Corc Rassell	Williams	14	1:15.760	10	13	1:15.323	8
14	5	Sebastyan Fettel	Ferrari	13	1:15.571	10	14	1:15.385	10
15	18	Ləns Stroll	Racing Point	15	1:15.822	10	15	1:15.494	6
16	8	Roman Qrojan	Haas	16	1:15.918	10
17	20	Kevin Maqnussen	Haas	17	1:15.939	11
18	7	Kimi Rəykkönen	Alfa Romeo	18	1:15.953	10
19	6	Nikolas Latifi	Williams	19	1:15.987	12
20	99	Antonio Covinatsi	Alfa Romeo	20	1:16.208	8