Hər iki sürücünün Williams-la çıxışını davam etdirəcəyi Niderland Qran Prisindən əvvəl açıqlanmışdı, hərçənd bu, fərqli günlərdə baş vermişdi. Amma Əlbonun müqaviləsi yalnız 2027-ci ilin sonuna qədər nəzərdə tutulubsa, Saynsla bağlanan saziş çoxillik xarakter daşıyır. Ən azı komandanın mətbuat xidmətinin rəsmi bəyanatının mətnindən belə nəticə çıxır.
Aleksin sözlərinə görə, o, Williams-la əməkdaşlığı davam etdirmək barədə qərar verməzdən əvvəl komandanın bu mövsüm ona mane olan ciddi problemlərin öhdəsindən gəlib-gəlməyəcəyinə əmin olmaq istəyir.
“Mənə gəldikdə isə, komandanın bütün bunlara necə reaksiya verəcəyini görmək istəyirəm, – deyə RacingNews365 Əlbondan sitat gətirib. – Görmək istəyirəm ki, o, hansı nəticələr göstərə biləcək, problemli ildən sonra necə geri dönəcək. Biz maşının effektivliyindən danışırıq, amma əslində komandanın lazımi səviyyəyə çatmadığı çox sayda sahə var.
Bura həm şassinin keyfiyyəti, həm onun artıq çəkisi, həm də ilk testləri buraxmağımız daxildir – ümumiyyətlə, bu il bir sıra istiqamətlər üzrə geridə qalırıq. Bununla belə, bilirəm ki, Ceyms Vaulz və ümumiyyətlə, komandamızdakı hər kəs bütün bu problemləri həll etmək üçün böyük səylər göstərir.
Amma söhbət hansısa bir tapşırıqdan getmir – komanda çox məsələbi həll etməlidir və qarşıda çox böyük iş var”.
Aleks Əlbon 2022-ci ildən Williams komandasında çıxış edir və gələn mövsüm bu komandanın heyətində onun altıncı mövsümü olacaq.
