Çin Qran Prisi: Yarış

Quru. Günəşli. Havanın temperaturu +26° C, trasın temperaturu +35° C Mövsümün ilk iki Qran Prisi dəyişkən havada keçmişdi və yalnız […]

Quru. Günəşli. Havanın temperaturu +26° C, trasın temperaturu +35° C

Mövsümün ilk iki Qran Prisi dəyişkən havada keçmişdi və yalnız Şanxayda yağış yağmayıb – uik-endin bütün günləri tras quru olub. Dünən Lyuis Həmilton karyerasında 27-ci, mövsümdə və yeni komandasında isə 1-ci poulunu qazanıb. Onunla yanaşı birinci cərgədə Kimi Rəykkönen, ikinci cərgədə Alonso və Rosberq, üçüncü cərgədə Massa və Qrojan yer alıblar. Amma Şanxayda hər şey start mövqeyindən deyil, təkərlərlə iş taktikasından asılı olub.

Artıq cümə günü komandalar başa düşmüşdülər ki, Soft tərkibi Çin trasına düşmür və bir sürətli dövrədən sonra effektliyini itirir, ona görə də sıralanma turunda sürücülər fərqli metod seçiblər. İlk iki sessiyada Medium tərkibinə qənaət edən sürücülər sonuncu sessiyada seçim qarşısında qalıblar: Soft-la daha yüksək yer uğrunda mübarizə aparmaq yoxsa starta Medium təkərlə çıxmaq?

Ona görə də startda Batton, Fettel, Hülkenberq, di Resta, Peres, Vern və Bottas Medium-a üstünlük veriblər, digər sürücülər isə yarışa sarı təkərlərlə başlayıblar.

Dünən sıralanma turu başa çatdıqdan sonra stüardlar Mark Uebberin nəticəsini protokollardan siliblər – ikinci sessiyada avstraliyalı sürücü sürətli dövrəsindən sonra maşını saxlamalı olmuşdu, FİA-nın təftişi zamanı onun maşınında cəmi 150 qram yanacaq götürmək mümkün olub. Ona görə də Mark peletonun sonuna göndərilib, amma komanda bağlı park rejimini pozaraq onun maşınında ötürmələr qutusunu və sazlanmaları dəyişib – Uebber pit-leyndə yerini tutub.

Startda Həmilton poulun üstünlüyünü qoruyub, Rəykkönen hər iki Ferrari sürücüsünü önə buraxıb. Birinci dövrənin sonunda ilk onluq: Həmilton – Alonso – Massa – Rəykkönen – Qrojan – Rosberq – Rikkardo – Batton – Fettel – di Resta.

1-ci dövrənin sonunda Mark Uebber pit-leynə yollanıb və planlı olaraq Medium təkərlərinə keçib.

5-ci dövrədə Alonso və Massa Həmiltonu qabaqlayıblar, 6-cı dövrədə Qutyerres arxadan Sutilin maşınına çırpılıb – hər iki sürücü üçün yarış başa çatıb. Elə həmin dövrənin sonunda Həmilton və Rosberq ardıcıl olaraq mexaniklərinə baş çəkiblər. 7-ci dövrədə Alonso və Rəykkönen, 8-ci dövrədə Massa, Qrojan və Maldonado Soft təkərlərindən azad olublar. Yarışa Medium-la başlayan sürücülər başçılıq ediblər – Hülkenberq Fettelin bir neçə hücumunu dəf edib, Uebber isə 11-ci yerə yüksəlib.

Bir neçə dövrədən sonra Medium təkərlərinin də effektliyi ölüb, trasda ötməyə kifayət qədər imkan olduğu üçün mövqe uğrunda mübarizələr qızışıb.

15-ci dövrədə Hülkenberq, Fettel və di Resta təkərlərini dəyişiblər, Sebastyan pitdə Nikonu qabaqlayıb. Komanda yoldaşının arxasında trasa qayıdan Fettelin bəxti gətirib – Uebber və Vern 6-cı döngədə təmas yaşayıblar və hər iki maşın boksa tələsib. Trasa qayıdan Markın maşınında sağ arxa təkər yaxşı bərkidilmədiyi üçün avstraliyalı sürücü yarışı dayandırmalı olub. Peres və Rəykkönen də təmas yaşayıblar, finlandiyalı sürücünün ön antiqanadı və burun elementi dağılsa da, sürücü trasda qalıb.

Batton və Peres start aldıqları Medium-la trasda ən çox qalıblar – McLaren komandası hər iki sürücüsü üçün iki pit-stoplu strategiya seçib. Censon yarışa başçılıq edib, 21-ci dövrədə onu Alonso qabaqlayıb. 22-ci dövrədə Həmilton və Rəykkönen ikinci pitlərini keçiriblər. Rosberqin maşınında problemlər yaşandığı üçün almaniyalı sürücü yarışı dayandırmalı olub. 24-cü dövrədə Alonso və Batton təkərlərini dəyişiblər. 25-ci dövrədə Peres də ilk pit-stopunu reallaşdırıb. 27-ci dövrədə ilk onluq (mötərizədə pit-stopların sayı): Fettel (1) – Alonso (2) – Hülkenberq (1) – Batton (1) – Həmilton (2) – Rəykkönen (2) – di Resta (1) – Massa (2) – Qrojan (2) – Peres (1).

29-cu dövrədə Həmilton Battonu, Alonso isə Fetteli ötüb. 30-cu dövrədə Hülkenberq, 32-ci dövrədə Fettel və Peres pit-stop keçiriblər. Trasa qayıdan Sebastyan qısa müddət ərzində Massanı, di Restanı və Hülkenberqi qabaqlayıb. 35-ci dövrədə Rəykkönen sonuncu pit-stopuna yollanıb. 36-cı dövrədə Fettel Battonu keçərək 3-cü yerə yüksəlib.

37-ci dövrədə Massa, 38-ci dövrədə Həmilton, Qrojan və Vern, 39-cu dövrədə Rikkardo, 41-ci dövrədə Alonso sonuncu dəfə mexaniklərinə qonaq olublar. Alonso trasa 2-ci qayıdıb, amma 2 dövrə sonra Fetteli qabaqlayaraq yenidən yarışa başçılıq edib. Lyuis isə trasa Kiminin arxasında qayıdıb. 45-ci dövrədə onlar Battonu qabaqlayıblar.

50-ci dövrədə Batton sonuncu pit-stopunda Soft təkərlərinə keçib. Trasa qayıdan britaniyalı sürücü tezliklə Massanı üstələyib. 52-ci dövrədə Fettel sonuncu pit-stopunu keçirib və təzə Soft dəstini alıb. Trasa Həmiltondan 11 saniyə geridə qayıdan almaniyalı sürücü finişədək hücum edib və britaniyalı sürücünün düz arxasında yarışı başa vurub.

Alonso Çin Qran Prisində mövsümdə ilk və karyerasında 31-ci qələbəsini qazanıb. Yarışın həlledici faktoru strategiya və uzun məsafədə təkərlərlə effektiv iş olub – bu dəfə Ferrari rəqiblərində güclü olub, amma mövsümün ilk üç yarışında biz üç müxtəlif komandadan üç fərqli qalib gördük. Bir həftə sonra isə hər şey davam edəcək!

Yer Pilot Komanda Motor Vaxt
01 F.Alonso Ferrari Ferrari 1.36:26.945
02 K.Rəykkönen Lotus Renault + 0:10.168
03 L.Həmilton Mercedes AMG Mercedes + 0:12.322
04 S.Fettel Red Bull Renault + 0:12.525
05 C.Batton McLaren Mercedes + 0:35.285
06 F.Massa Ferrari Ferrari + 0:40.827
07 D.Rikkardo Toro Rosso Ferrari + 0:42.691
08 P.di Resta Force İndia Mercedes + 0:51.084
09 R.Qrojan Lotus Renault + 0:53.423
10 N.Hülkenberq Sauber Ferrari + 0:56.598
11 S.Peres McLaren Mercedes + 1:03.860
12 J.E.Vern Toro Rosso Ferrari + 1:12.604
13 V.Bottas Williams Renault + 1:33.861
14 P.Maldonado Williams Renault + 1:35.453
15 J.Byanki Marussia Cosworth + 1 dövrə
16 Ş.Pik Caterham Renault + 1 dövrə
17 M.Çilton Marussia Cosworth + 1 dövrə
18 Q.van der Qarde Caterham Renault + 1 dövrə
N.Rosberq Mercedes AMG Mercedes
M.Uebber Red Bull Renault
A.Sutil Force İndia Mercedes
E.Qutyerres Sauber Ferrari

Sürətli dövrə: Sebastyan Fettel (Red Bull) – 1:36.808 (53-cü dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 52
02 K.Rəykkönen Lotus Renault 49
03 F.Alonso Ferrari Ferrari 43
04 L.Həmilton Mercedes AMG Mercedes 40
05 F.Massa Ferrari Ferrari 30
06 M.Uebber Red Bull Renault 26
07 N.Rosberq Mercedes AMG Mercedes 12
08 C.Batton McLaren Mercedes 12
09 R.Qrojan Lotus Renault 11
10 P.di Resta Force İndia Mercedes 8
11 D.Rikkardo Toro Rosso Ferrari 6
12 A.Sutil Force İndia Mercedes 6
13 N.Hülkenberq Sauber Ferrari 5
14 S.Peres McLaren Mercedes 2
15 J.E.Vern Toro Rosso Ferrari 1
16 V.Bottas Williams Renault 0
17 E.Qutyerres Sauber Ferrari 0
18 J.Byanki Marussia Cosworth 0
19 Ş.Pik Caterham Renault 0
20 P.Maldonado Williams Renault 0
21 Q.van der Qarde Caterham Renault 0
22 M.Çilton Marussia Cosworth 0

Mühəndislər Kuboku:

Yer Komanda Motor Xal
01 Red Bull Renault 78
02 Ferrari Ferrari 73
03 Lotus Renault 60
04 Mercedes AMG Mercedes 52
05 McLaren Mercedes 14
06 Force İndia Mercedes 14
07 Toro Rosso Ferrari 7
08 Sauber Ferrari 5
09 Williams Renault 0
10 Marussia Cosworth 0
11 Caterham Renault 0
, , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Çin Qran Prisi: Yarış

Quru. Buludlu. Havanın temperaturu +22° C, trasın temperaturu +23° C Çin Qran Prisinin start düzlüyündə qüvvələr nisbəti çox maraqlı alınmışdı […]

Quru. Buludlu. Havanın temperaturu +22° C, trasın temperaturu +23° C

Çin Qran Prisinin start düzlüyündə qüvvələr nisbəti çox maraqlı alınmışdı – Mercedes AMG sürücüləri ilk cərgədən start alırdılar: dünən Rosberq karyerasında ilk poulunu qazanmışdı, ikinci cərgədə Kobayaşi və Rəykkönen qərarlaşmışdılar, sonuncu dünya çempionu Sebastyan Fettel isə heç ilk onluğa düşə bilməmişdi.

Sıralanma turunda ikinci olmuş Lyuis Həmilton isə ötürmələr qutusunun dəyişdirilməsi üzündən yarışa yeddinci yerdən başlayırdı, Jan Erik Vernin maşını üzərində mexanikləri bir çox detalları dəyişdikləri üçün fransalı sürücü pit-leyndən start almağa hazırlaşırdı.

Startda Rosberq poulun üstünlüyünü qoruyub saxlayıb, Batton üçüncü, Həmilton beşinci yerə qalxıblar, Kobayaşi yeddinci yerə düşüb, Senna və Massa kiçik təmas yaşayıblar.

Dördüncü dövrədə vəziyyət stabilləşib və ilk onluq belə olub: Rosberq – Şumaher – Batton – Rəykkönen – Həmilton – Peres – Kobayaşi – Alonso – Uebber – Massa.

7-ci dövrədə gözlənilmədən Uebber boksa yönəlib və sarı təkərləri ağ təkərlərə dəyişib – Mark trasa 20-ci yerdə qayıdıb, trafikə düşmədiyi üçün tempini artırıb. 10-cu dövrədə Kobayaşi, Fettel və Hülkenberq, 11-ci dövrədə Rəykkönen və Həmilton pit-stop keçiriblər – Lyuis Kimini qabaqlaya bilib. 12-ci dövrədə Batton, Qrojan və Maldonado mexaniklərinin qonağı olublar.

13-cü dövrədə Şumaher, Alonso, Massa və Senna təkər dəyişməyə yollanıblar – Mixael trasa qayıtdıqdan sonra cəmi bir neçə döngə keçə bilib: ön təkər yaxşı bağlanmayıb. 14-cü dövrədə yarışın lideri Rosberq, 17-ci dövrədə Peres və 19-cu dövrədə Massa ilk pit-stoplarını reallaşdırıblar.

20-ci dövrədə ilk onluq: Rosberq – Batton – Həmilton – Uebber – Rəykkönen – Alonso – Kobayaşi – Qrojan – Fettel – Peres.

22-ci dövrədə Uebber ikinci dəfə boksuna baş çəkib, 23-cü və 25-ci dövrələrdə müvafiq olaraq Həmilton və Batton McLaren boksuna baş çəkiblər, 26-cı dövrədə Kobayaşi təkərlərini dəyişib. Trasa trafikdə qayıdan Batton Maldonado və Sennanı, Həmilton Massa və di Restanı, Uebber də Massa və di Restanı keçiblər. 30-cu dövrədə Batton Fetteli, Alonso Massanı (komandanın xahişi ilə) keçiblər, bir dövrə sonra Alonso di Restanı da keçib.

32-ci dğvrədə Fettel, 33-cüdə Qrojan, 34-cüdə Maldonado, 35-cidə Rosberq və Uebber növbəti pit-stoplarını reallaşdırıblar. Niko trasa Battonun arxasında qayıdıb.

36-cı dövrədə Peres, 39-cu dövrədə Həmilton və Alonso, 40-cı dövrədə Batton sonuncu dəfə boksa baş çəkiblər – McLaren mexanikləri Censonun maşınının arxa sol təkərini bağlayarkən vaxt itiriblər. 42-ci dövrədə Massa sonuncu dəfə pit-stop keçirib.

45-ci dövrədə Rosberqin Rəykkönen üzərində üstünlüyü 22 saniyəyə çatıb. Finlandiyalı sürücünün arxasında isə böyük qatar əmələ gəlib: Fettel – Batton – Qrojan – Uebber – Həmilton – Senna – Maldonado – Peres.

Yarışın son on dövrəsində hər şey təkərin yeyilmə səviyyəsindən asılı olub. 48-ci dövrədə Fettel təkərləri tam yeyilmiş Rəykköneni keçə bilib, bir neçə döngədən sonra Həmilton Qrojan, Uebber və Rəykköneni keçib. Kiminin təkərləri trası saxlamadığı üçün mövqeni mövqe dalınca itirməyə başlayıb. Arxada Suaber sürücülərinin dueli Peresin xeyrinə başa çatıb. 51-ci dövrədə Batton Fetteli keçərək ikinciliyə yüksəlib, 55-ci dövrədə Həmilton Fetteli ötərək üçüncü olub. Bir dövrə sonra isə Uebber də komanda yoldaşını keçib.

Niko Rosberq karyerasında ilk qələbəsini qazanıb – Mercedes şassisinin onuncu qələbəsi 1955-ci il İtaliya Qran Prisindən sonra birinci olub.

Batton və Həmilton podium qazanmaqla McLaren-in Mühəndislər Kubokunda üstünlüyünü bərkidiblər, Kobayaşi ən sürətli dövrəyə imza atıb – karyerasında ilk dəfə. Qrojan mövsümdə üçüncü cəhdindən finiş çatmaqla Formula1-də ilk xallarını qazanıb.

Fantastik yarışı alınıb, davamını isə bir həfətədən sonra görəcəyik!

Yer Pilot Komanda Motor Vaxt
01 N.Rosberq Mercedes AMG Mercedes 1.36:26.929
02 C.Batton McLaren Mercedes + 0:20.626
03 L.Həmilton McLaren Mercedes + 0:26.012
04 M.Uebber Red Bull Renault + 0:27.924
05 S.Fettel Red Bull Renault + 0:30.483
06 R.Qrojan Lotus Renault + 0:31.491
07 B.Senna Williams Renault + 0:34.597
08 P.Maldonado Williams Renault + 0:35.643
09 F.Alonso Ferrari Ferrari + 0:37.256
10 K.Kobayaşi Sauber Ferrari + 0:38.720
11 S.Peres Sauber Ferrari + 0:41.066
12 P.di Resta Force İndia Mercedes + 0:42.273
13 F.Massa Ferrari Ferrari + 0:42.779
14 K.Rəykkönen Lotus Renault + 0:50.573
15 N.Hülkenberq Force İndia Mercedes + 0:51.213
16 J.E.Vern Toro Rosso Ferrari + 0:51.756
17 D.Rikkardo Toro Rosso Ferrari + 1:03.156
18 V.Petrov Caterham Renault + 1 dövrə
19 T.Qlok Marussia Cosworth + 1 dövrə
20 Ş.Pik Marussia Cosworth + 1 dövrə
21 P.de la Rosa HRT Cosworth + 1 dövrə
22 N.Kartikeyan HRT Cosworth + 2 dövrə
23 H.Kovalaynen Caterham Renault + 3 dövrə
M.Şumaher Mercedes AMG Mercedes

Sürətli dövrə: Kamui Kobayaşi (Sauber) – 1:39.960 (40-cı dövrə).

Turnir cədvəli:

Yer Pilot Komanda Motor Xal
01 L.Həmilton McLaren Mercedes 45
02 C.Batton McLaren Mercedes 43
03 F.Alonso Ferrari Ferrari 37
04 M.Uebber Red Bull Renault 36
05 S.Fettel Red Bull Renault 28
06 N.Rosberq Mercedes AMG Mercedes 25
07 S.Peres Sauber Ferrari 22
08 K.Rəykkönen Lotus Renault 16
09 B.Senna Williams Renault 14
10 K.Kobayaşi Sauber Ferrari 9
11 R.Qrojan Lotus Renault 8
12 P.di Resta Force İndia Mercedes 7
13 J.E.Vern Toro Rosso Ferrari 4
14 P.Maldonado Williams Renault 4
15 D.Rikkardo Toro Rosso Ferrari 2
16 N.Hülkenberq Force İndia Mercedes 2
17 M.Şumaher Mercedes AMG Mercedes 1
18 F.Massa Ferrari Ferrari 0
19 T.Qlok Marussia Cosworth 0
20 Ş.Pik Marussia Cosworth 0
21 V.Petrov Caterham Renault 0
22 H.Kovalaynen Caterham Renault 0
23 P.de la Rosa HRT Cosworth 0
24 N.Kartikeyan HRT Cosworth 0

Mühəndislər Kuboku:

Yer Komanda Motor Xal
01 McLaren Mercedes 88
02 Red Bull Renault 64
03 Ferrari Ferrari 37
04 Sauber Ferrari 31
05 Mercedes AMG Mercedes 26
06 Lotus Renault 24
07 Williams Renault 18
08 Force İndia Mercedes 9
09 Toro Rosso Ferrari 6
10 Marussia Cosworth 0
11 Caterham Renault 0
12 HRT Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Çin Qran Prisi: Yarış

Quru. Günəşli. Havanın temperaturu +22° C, trasın temperaturu +29° C Bəhreyndəki siyasi iğtişaşlar üzündən bu il səfər Qran Priləri yalnız […]

Quru. Günəşli. Havanın temperaturu +22° C, trasın temperaturu +29° C

Bəhreyndəki siyasi iğtişaşlar üzündən bu il səfər Qran Priləri yalnız üç yarışdan ibarət idi, səfərin yekunu isə Şanxayda vurulurdu. Komandalar artıq yeni təkərlərə öyrəşiblər, etibarlılıq problemlərini həll ediblər və düzgün nəticələr çıxarıblar. Üç həftədən sonra biz Türkiyədə tam fərqli maşınlar görəcəyik, qüvvələr nisbəti dəyişə bilər, amma Çüin Qran Prisi olduqca vacib idi – hamı Avropaya xoş əhvalla qayıtmaq istəyirdi…

Dünən mövsümün üçüncü sıralanma turunda da Sebastyan Fettel poul qazanmışdı. Sonuncu dünya çempionu ilk iki yarışı qələbə ilə başa vurduğu üçün Şanxaya aşkar favorit kimi gəlmişdi, amma onun komanda yoldaşı Mark Uebber isə bu dəfə birinci sessiyada mübarizəni dayandırmışdı və yarışa 18-ci yerdən başlamalı idi.

Sürücülər trasa çıxarkən McLaren-in boksunda Həmiltonun maşını üzərində gərgin iş gedirdi – britaniyalı sürücü sonuncu dəqiqədə pit-leyni tərk etdi: mexaniklər motorun üst qapağını artıq start düzlüyündə bağlamalı oldular.

Startda Batton Fetteli qabaqlayıb, Həmilton isə ikinciliyə yüksəlib, liderliyi əldən verən Sebastyan Rosberqlə mübarizədə üçüncü yerini qoruya bilib. Massa komanda yoldaşı Alonsonu üstələyib, Petrov isə iki mövqe itirib. Sürücülər arasında interval minimal olduğu üçün ikinci dövrədən sonra arxa antiqanadın hərəkətli elementini aktivləşdirən sürücülər çoxsaylı ötmələr ediblər, amma bir azdan sürücülərə mühəndislərdən təkərləri qorumaq əmri verilib.

7-ci dövrədə Petrov Algersuarini keçib və Toro Rosso sürücülərindən uzaqlaşıb, 3 dövrə sonra planlı pit-stopundan çıxan ispaniyalı sürücünün maşınında arxa sağ təkər yaxşı bağlanmadığı üçün sürücü mübarizədən kənar qalıb – finiş görməyən yeganə sürücü məhz Xayme olub.

11-ci dövrədə Şumaher və Uebber, 13-cü dövrədə Rosberq və Buemi ilk pit-stoplarını reallaşdırıblar. 14-cü dövrədə Fettel Həmiltonu keçərək ikinciliyə yüksəlib. Ötməni etdikdən sonra Fettel yarışın lideri Battonun arxasında pitə yönəlib. Censon əvvəlcə Red Bull mexaniklərinin yanında dayanıb, sonra isə irəli öz yerinə keçib, ona görə də vaxt itirib – Sebastyan trasa Censonun önündə qayıdıb və ondan uzaqlaşmağa başlayıb.

15-ci dövrədə Həmilton və Massa pit-stop keçiriblər və Felipe trasa birinci çıxıb, yarışa isə Rosberq liderlik edib. 17-ci dövrədə mexaniklər Alonsoya, 18-ci dövrədə Petrova, 19-cu dövrədə isə Haydfeldə qulluq ediblər. İlk pit-stoplar dalğasından sonra Rosberq-Fettel-Batton-Massa-Həmilton-Şumaher altılığı peletondan ayrılmağa başlayıb, Alonso sürətlə bu altılığı təqib edib.

25-ci dövrədə Batton planlı ikinci pit-stopunu gerçəkləşdirib, bir dövrə sonra isə Rosberq, Həmilton və Uebber də eyni addımı atıblar. Alonso Şumaheri keçərək beşinciliyə yüksəlib, yeddiqat dünya çempionu pit-stopa yönəlib. 32-ci dövrədə Fettel komandasından bərk təkərləri alıb və yerdə qalan 24 dövrəni bu təkərlərlə başa vurmalı olub, amma onun rəqiblərini hələ bir pit-stop gözləyirdi. 33-cü dövrədə pit-stop keçirmiş Alonso və bir dövrə sonra Massa da eyni strategiyanı seçiblər.

36-cı dövrədə Həmilton komanda yoldaşı Battonu üstələyərək ikinciliyə yüksəlib. 38-ci dövrədə Censon, bir dövrə sonra isə Lyuis pit-stopda bərk təkərlər alıblar. Yarışın lideri Rosberq 40-cı dövrədə sonuncu pit-stopunu reallaşdırıb və trasa düz Lyusin öndündə qayıdıb. Niko bir neçə döngə müqavimət göstərsə də, britaniyalı sürücü onu keçə bilib. 41-ci dövrədə isə Uebber üçüncü dəfə mexaniklərinin qonağı olub.

Yarışa isə Fettel başçılıq edib, Massa ona dörd saniyə uduzub – hər iki sürücü iki pit-stopdan istifadə edib, bu cütlüyü üç pit-stop keçirmiş Həmilton, Rosberq və Batton üçlüyü sürətlə təqib edib. Hər şey yarışın son hissəsində təkərlərin yeyilmə dərəcəsindən asılı olub.

Sutillə toqquşmada günahkar hesab edilən Peres stüardlar tərəfindən pit-leyndən keçməklə cərimə alıb.

45-ci dövrədə Həmilton Massanı keçərək ikinciliyə, Uebber isə Alonsonu keçərək beşinciliyə yükəsliblər. Rosberq Massanı keçmək istəyərkən səhvə yol verib və Battonu irəli buraxıb. Həmilton Fettelə arardakı fərqi azaltmağa başlayıb, Batton isə Massanı keçərək üçüncülüyə yüksəlib. Rosberqlə mübarizədə trasdan çıxan Massa yenidən trasa qayıda bilib.

52-ci dövrədə bir neçə həmlədən sonra Lyuis Sebastyanı keçərək uzaqlaşmağa başlayıb – britaniyalı sürücünün maşınında bərk təkərlər yaxşı qalıblar. Petrov isə əvvəlcə Pol di Restanı, sonra isə Kamui Kobayaşini keçərək doqquzuncu yerə qalxıb. Uebber isə əvvəlcə Rosberqi, sonra isə Battonu keçərək podiumun aşağı pilləsini ələ keçirib – avstraliyalı sürücü 18-ci yerdən start almaqla əla yarış keçirib.

Lyuis Həmilton karyerasında 15-ci, mövsümdə isə 1-ci qələbəsini qazanıb. Fettel və Uebber isə Red Bull-a növbəti podiumları qazandırıblar.

Avropaya qayıtmazdan əvvəl McLaren Red Bull-dan geriqalmanı tam aradan qaldırıb, amma üç həftə sonra hər şey yenidən başlayacaq – komandalar Türkiyə Qran Prisinə ciddi yeniliklər hazırlayırlar…

Yer Pilot Komanda Motor Vaxt
01 L.Həmilton McLaren Mercede 1.36:58.226
02 S.Fettel Red Bull Renault + 0:05.198
03 M.Uebber Red Bull Renault + 0:07.555
04 C.Batton McLaren Mercedes + 0:10.000
05 N.Rosberq Mercedes GP Mercedes + 0:13.448
06 F.Massa Ferrari Ferrari + 0:15.840
07 F.Alonso Ferrari Ferrari + 0:30.622
08 M.Şumaher Mercedes GP Mercedes + 0:31.260
09 V.Petrov Lotus Renault GP Renault + 0:57.404
10 K.Kobayaşi Sauber Ferrari + 1:03.203
11 P.di Resta Force İndia Mercedes + 1:08.757
12 N.Haydfeld Lotus Renault GP Renault + 1:12.739
13 R.Barrikello Williams Cosworth + 1:30.189
14 S.Buemi Toro Rosso Ferrari + 1:30.671
15 A.Sutil Force İndia Mercedes + 1 dövrə
16 H.Kovalaynen Team Lotus Renault + 1 dövrə
17 S.Peres Sauber Ferrari + 1 dövrə
18 P.Maldonado Williams Coswort + 1 dövrə
19 Y.Trulli Team Lotus Renault + 1 dövrə
20 J.D’Ambrozio Marussia Virgin Cosworth + 2 dövrə
21 T.Qlok Marussia Virgin Cosworth + 2 dövrə
22 V.Liutsi Hispania Cosworth + 2 dövrə
23 N.Kartikeyan Hispania Cosworth + 2 dövrə
X.Algersuari Toro Rosso Ferrari

Sürətli dövrə: Mark Uebber (Red Bull) – 1:38.993 (42-ci dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 68
02 L.Həmilton McLaren Mercede 47
03 C.Batton McLaren Mercedes 38
04 M.Uebber Red Bull Renault 37
05 F.Alonso Ferrari Ferrari 26
06 F.Massa Ferrari Ferrari 24
07 V.Petrov Lotus Renault GP Renault 17
08 N.Haydfeld Lotus Renault GP Renault 15
09 N.Rosberq Mercedes GP Mercedes 10
10 K.Kobayaşi Sauber Ferrari 7
11 M.Şumaher Mercedes GP Mercedes 6
12 S.Buemi Toro Rosso Ferrari 4
13 A.Sutil Force İndia Mercedes 2
14 P.di Resta Force İndia Mercedes 2
15 X.Algersuari Toro Rosso Ferrari 0
16 Y.Trulli Team Lotus Renault 0
17 R.Barrikello Williams Cosworth 0
18 J.D’Ambrozio Marussia Virgin Cosworth 0
19 H.Kovalaynen Team Lotus Renault 0
20 T.Qlok Marussia Virgin Cosworth 0
21 S.Peres Sauber Ferrari 0
22 P.Maldonado Williams Coswort 0
23 V.Liutsi Hispania Cosworth 0
24 N.Kartikeyan Hispania Cosworth 0

Mühəndislər Kuboku:

Yer Komanda Motor Xal
01 Red Bull Renault 105
02 McLaren Mercedes 85
03 Ferrari Ferrari 50
04 Lotus Renault GP Renault 32
05 Mercedes GP Mercedes 16
06 Sauber Ferrari 7
07 Toro Rosso Ferrari 4
08 Force İndia Mercedes 4
09 Team Lotus Renault 0
10 Williams Cosworth 0
11 Marussia Virgin Renault 0
12 Hispania Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*