18 Sentyabr 2019, Çərşənbə - 13:34

Britaniyalı müğənni Səm Smit Azərbaycan Qran Prisi üçün Bakıya gəlir

Britaniyalı müğənni Səm Smit Azərbaycan Qran Prisi üçün Bakıya gəlir

Müəllif: Rəhim N.Əliyev, baş redaktor

17:13 - 15 Mart, 2019

“Qremmi” və “Oskar” mükafatlı pop ulduz aprelin 27-də Bakıda konsert proqramı ilə çıxış edəcək.

F-1.az Bakı Şəhər Halqası (BŞH) Əməliyyat Şirkətinə istinadən bildirir ki, çox sayda mükafata layiq görülmüş və milyonlarla albom satışı ilə böyük uğur qazanmış britaniyalı müğənni Səm Smit Azərbaycan Qran Prisinin keçiriləcəyi yarış həftəsonunun şənbə günü, yəni aprelin 27-də axşam saatlarında Bakı Kristal Zalında canlı konsert verəcək.

BŞH-nin icraçı direktoru Arif Rəhimov Səm Smitin Bakıya gəlişinə münasibət bildirib…

Arif Rəhimov: “Azərbaycan Qran Prisinin keçiriləcəyi yarış həftəsonunun şənbə günü axşam saatlarında canlı konsert proqramı ilə çıxış edəcək Səm Smiti Bakıda qarşılayacağımız üçün çox şadıq. Özünəməxsus səsə malik bu musiqiçi yaradıcılığının ilk günlərindən etibarən dünyanın hər tərəfində özünə böyük dinləyici kütləsi cəlb edib. Əminəm ki, Azərbaycanda da sadiq dinləyiciləri olan Səm Smitin sıralanma turundan sonra baş tutacaq konserti yarış həftəsonumuzun unudulmaz anlarından birinə çevriləcək. Buna görə də, bütün avtoidman azarkeşlərini və musiqisevərləri biletləri indidən əldə etməyə və 26-28 aprel tarixlərində pilotların gərgin mübarizəsi fonunda baş tutacaq əyləncəli yarış həftəsonuna qoşulmağa çağırıram!”

Bütün bilet sahibləri konsertlərdə pulsuz iştirak edə biləcəklər. Bakı Şəhər Halqasından Kristal Zala tamaşaçıların gediş-gəlişi avtobuslar vasitəsilə həyata keçiriləcək.


Son Xəbərlər

İnformasiya

Bölüm Bakı Şəhər Halqası
Mənbə
Baxış Sayı 793
Teqlər , , ,
Paylaş

logo