F-1.az federasiyanın rəsmi saytına istinadən xəbər verir ki, birinci döngənin çıxış zonasının sonunda təkərlərlə örtülmüş beton divar peyda olub.
6-cı və 7-ci döngələr arasındakı çıxış zonasında sol tərəfdə yeni polad baryer quraşdırılıb. 10-14 döngələr arasındakı sahədə yeni tribunalar qarşısında polad baryer və qoruyucu tor quraşdırılıb. Əsas düzlüyün sağ tərəfində akvaplanlamanın qarşısını almaq üçün novçalı örtük döşənib
.
İki müstəqil DRS zonası əvvəlki yerində qalıb. Onlardan birincisinin avtomobillər arasındakı intervalın ölçülməsi (deteksiya) nöqtəsi 2-ci döngənin apeksində, aktivləşmə (aktivasiya) nöqtəsi isə 3-cü döngədən otuz metr sonra yerləşir.
İkinci DRS zonasının deteksiya nöqtəsi 13-cü döngədən otuz metr sonra, aktivasiya nöqtəsi isə 15-ci döngədən 160 metr əvvəl yerləşir.
