F-1.az xatırladır ki, fransalı sürücü ilk döngədə yaşanan insidentlərdən təsirlənərək, startda geri düşmüşdü. 31 yaşlı sürücü yarışın sonunda komanda yoldaşı Maqnussenin təkərinin partlamasından istifadə edərək, bir xal qazana bilmişdi.
Roman Qrojan: “Yaxşı start alsam da, önümdə hamı bir-birilə toqquşdu və bolidi sürmək üçün boşluq qalmamışdı. Onlardan qaçmaq üçün tras xaricinə çıxmalı oldum və burada vaxt itirdim. Əgər bu hadisə olmasaydı, yarışı Hülkenberqin önündə və ya arxasında bitirə bilərdim. Soft təkərlərlə tempimiz yaxşı idi, amma traffikdə çox qaldığımız üçün bundan istifadə edə bilmədik. Sonda isə bir xal təsəlli oldu”.
