Pyer Qasli: “Bu, möhtəşəm idi! Sıralanma turu inanılmaz dərəcədə yaxşı alındı, birinci sessiyada elə ilk dövrədən sükan arxasında özümü çox rahat hiss edirdim. Sonra hər sessiyada tempi bir az da artırmağa çalışdım və sonda çox yaxşı bir dövrə vura bildim, buna görə çox razıyam.
Mən buna Formula1-də keçirdiyim əvvəlki doqquz ilin hamısında can atmışdım, poul uğrunda mübarizə aparmaq şansı qazanmağa çalışırdım. Monzada ilk qələbəmi qazanmışdım, indi isə ilk poulumu bu trasda əldə etdim – düşünürəm ki, bura hansısa xüsusi yerdir!
Komandama təşəkkür etməliyəm, bu gün onlar fantastik dərəcədə sürətli maşın hazırlamışdılar! Görək, sabahkı yarış necə alınacaq, amma əlimizdən gələni edəcəyik. Bu axşam Milandakı evimə qayıdacağam, səhər isə bizi yeni start gözləyir”.
