Artıq iki gündən sonra biz 2013-cü il mövsümü üçün hazırlanmış ilk maşını görəcəyik – yanvarın 28-də axşam Lotus komandası E21-i bütün dünyaya göstərəcək.
Mühəndislərlə birlikdə komandanın mətbuat xidməti də təqdimat mərasiminə hazırlaşır, komandanın Twitter səhifəsində hər gün yeni maşının müəyyən detalları qeyri-adi rakursdam çəkilərək yerləşdirilir. Bu gün isə mətbuat xidməti maraqlı videoçarxla azarkeşləri həvəsləndirib.
Videoda “Dostlar” serialından yaxşı tanıdığımız amerikalı aktyor Mətt LeBlan Kimi Rəykkönendən müsahibə götürür, daha doğrusu ondan yeni maşın barədə soruşur. Kimi isə öz stilində cavablar verir, fikrimizcə, onun cavablarını tərcümə etməyə ehtiyac yoxdur…
