Frederik Vassyör: “Monza hər zaman Ferrari üçün xüsusi məkan olub. Bütün komandaya böyük enerji verən tifozilərin qarşısında çıxış etmək əladır.
Bu il İtaliya mərhələsi əlavə olaraq xüsusi emosional məna daşıyacaq, çünki biz Mixael Şumaxeri və onun şirkətimizdə qoyduğu irsi anacağıq. Onun mükəmməlliyə can atması, detallara diqqəti və komanda işinə inamı bu gün də Ferrari üçün vacib dəyərlər olaraq qalır.
Sürət baxımından danışsaq, bu həftəsonu maşınlara ADUO proqramı çərçivəsində yenilənmiş güc qurğuları quraşdıracağıq. Bu, irəliyə doğru addım atmağa imkan verəcək, bildiyimiz kimi, bu mövsümdə, hətta ən kiçik yeniliklər belə hər şeyi həll edir.
Monzada maşınlar yüksək yüklənmə şəraitində çalışır, peletonda mübarizə isə çox sıxdır. Buna görə də əsas vəzifəmiz həftəsonunun hər gününü, cümə günündən başlayaraq, mümkün qədər yaxşı keçirməkdir. Azarkeşlərimizin dəstəyindən əlavə motivasiya almaq və onların xatirinə güclü həftəsonu keçirmək istəyirik”.
