Hadisənin bütün hallarını, video görüntülərini və telemetriya məlumatlarını araşdıran stüardlar Saynsa qarşı heç bir sanksiya tətbiq etməyiblər. O, trasdakı sarı bayraqları görməsə də, sükan üzərindəki indikasiya siqnalını görüb və qaz pedalını buraxıb.
Əlbonla bağlı insidentdə isə sürücü mövsümdə ikinci xəbərdarlığını alıb. Stüardlar müəyyən ediblər ki, Aleks sarı bayraqları görməyib, lakin sarı bayraq zonasının bitdiyini göstərən yaşıl işıq panelini görüb, hərçənd bu, çox qısa müddətə – 2 saniyədən də az olub.
Stüardlar sürücünün trasın apeksinə baxmasını və reaksiya vermək üçün çox az vaxtının olmasını yüngülləşdirici hal kimi qəbul ediblər, lakin texniki baxımdan bu, qayda pozuntusudur.
Bundan başqa, stüardlar güc qurğusunun elementlərinin dəyişdirilməsinə görə Liam Lousona verilən cəzanı da təsdiqləyiblər – sürücü yarışın startında 35 yer itirəcək.
