S.Domenikali: Amerikalı pilot lazımdır

Formula1-in rəhbəri Stefano Domenikali bildirib ki, Formula1-in güclü amerikan sürücüyə ehtiyacı var.

F-1.az xatırladır ki, Amerika son illərdə Formula1-ə maraq salıb. 2011-ci ildə ABŞ-da yarış keçirilmədiyi halda, gələn ildən təqvimdə 3 Amerika yarışı olacaq. Ancaq Yeni Dünyanın sakinləri deyəsən bununla kifayətlənməyəcək. Çünki Nyu York da yarış keçirmək üçün işlər görür.

Buna baxmayaraq peletonda amerikalı sürücü yoxdur. Formula1-də yarışmış son amerikan Aleksander Rossi (2015) olub. Ondan əvvəl isə Skot Spid, Maykl Andretti və Denni Sallivan Formula1-də mübarizə aparıb.

Yarış qazanan son amerikalı pilot isə 1978-ci ildə Mario Andretti olub. Ümumilikdə isə ABŞ-dan olan iki sürücü – Fil Hill və Mario Andrerti – Formula1-də titula sevinib.

Stefano Domenikali: “Formula1-in doğrudan da amerikalı sürücüyə ehtiyacı var. Amma o güclü olmalıdır. Bu, önəmlidir, çünki sürücü qabiliyyəti də fərq yaradır. Buna görə də əsl qəhrəmana ehtiyac var. Amerikalılar da bu işdə maraqlı olmalı və sürücülərin inkişafına kömək etməlidirlər”.

Bir cavab yazın

Sizin e-poçt ünvanınız dərc edilməyəcəkdir.

*

*

*