FİA prezidenti Maks Mosli bir daha idmana yeni komandaların gəlməsinin vacibliyini qeyd edib…
Maks Mosli: “Əgər Formula1-də yalnız qocaman komandalar qalsa, bu idman möhvə düçardır. Heç bir idman növü yeni qüvvələrin gəlişi ilə məhv olmayıb. Ferrari komandası yəqin unudub ki, BMW komandası Sauber komandası kimi başlamışdı. Williams isə ondan başlamışdı ki, Frənk Uilyams adi March maşını almışdı, Ken Tirrel isə 60-cı illərin sonunda özünün kiçik komandasını çempionata gətirmişdi, sonra bu komanda BAR, daha sonra Honda adlandı, bu gün isə biz onu Brawn GP kimi tanıyırıq. Hətta Enzo Ferrari 1948-ci ildə sıfırdan başlamışdı.
Əgər yeni komandalara Formula1-ə gəlmək şansı verməsək, bu idman öləcək.”
