Ümid qalır ki, növbəti mərhələdə – İspaniyada, yeni MadRinq trasında komandanın işləri heç olmasa bir qədər yaxşı gedəcək. Heç olmasa, onun yarış direktoru Mayk Krəki dinləyəndə bu ehtimalı istisna etmək olmur.
“Simulyatorda apardığımız hesablamalar göstərir ki, orada daha əlverişli vəziyyətdə olmalıyıq, – deyə Marca qəzeti Krəkdən sitat gətirib. – Bəzi traslar bizə daha yaxşı uyğun gəlir, bəziləri isə yox və Fernando bunu artıq dəfələrlə deyib. Bilirdik ki, Monza bizim üçün heç də ən uyğun tras deyil, baxmayaraq ki, baş verənlərdən sonra bunu tam mənada dəyərləndirmək çətindir.
MadRinq barədə də hələ çox az şey bilirik, çünki əlimizdə yalnız simulyatordan əldə olunan məlumatlar var, amma gözləmək olar ki, orada da bizi asan sınaq gözləmir. Hər halda, İspaniya mərhələsinə intensiv hazırlaşırıq və onu doğrudan da səbirsizliklə gözləyirik.
Yeni trasın asfalt örtüyünün vəziyyəti həftəsonu ərzində çox ciddi şəkildə dəyişəcək, amma mənim başa düşdüyüm qədərilə, bizi çox maraqlı bir yarış həftəsonu gözləyir. Bu trası Ciddə ilə Monako arasında bir yerə qoyardım, çünki orada da baryerlər çox yaxındır və səhv etmək hüququ yoxdur.
Amma heç olmasa, Monzada müəyyən irəliləyiş əlamətləri gördüyümüzə görə məmnunam: maşının davranışı daha proqnozlaşdırılan olub və sürücülər üçün onun imkanlarının həddini tapmaq artıq daha asanlaşıb. Qalan bütün məsələlərdə isə işi davam etdirmək və inkişaf əldə etmək lazımdır.
Əsas məsələ qəbul etdiyimiz tədbirlərin effekt verdiyinə əmin olmaq idi və görünür, artıq müsbət əlamətlər var. Telemetriya məlumatlarında görürük ki, AMR26-nın davranışı yaxşılaşıb, buna görə də komandada əhval-ruhiyyə müsbətdir. Bütün bunlar Madrid mərhələsi ərəfəsində çox vacibdir”.
