Lyuis Həmilton: “Mən şübhəsiz ki, komandanın bütün üzvləri ilə fəxr edirəm və burada bir il əvvəl olduğum vəziyyətdən çıxa bildiyim üçün özümə də qürur duyuram.
Gələcəkdə karyeram haqqında sənədli film çəkəndə həmin həftəsonu və ona gətirib çıxaranları hamısını danışacağam. Bütün bunlardan keçdikdən sonra indi bir il əvvələ nisbətən tamamilə fərqli vəziyyətdəyəm.
Komandanın əldə etdiyi tərəqqiyə minnətdaram, illərdir yığdığım bütün parçaların bir-birinə oturmasına və indi yarışa biləcəyimiz əla maşının olmasına görə.
Hər yarış həftəsonu məqsədimiz maksimum nəticədir. Bizim bir neçə həqiqətən uğurlu həftəsonumuz olub. Silverstone-da hər şey yaxşı gedirdi, lakin bir səhv addım məni qələbə uğrunda mübarizədən məhrum etdi. Eyni hal keçən həftə Spada da baş verdi, amma idmanımızda belə şeylər olur.
Biz Silverstone və Spada geridə qalacağımızdan əmin idik. Adətən Kimi o qədər sürətli olur ki dərhal irəli çıxırdı, amma bu dəfə o qədər sürətli deyildi. Bu yarışlardan birini Şarl qazandı, digərində isə ikinci oldu – bu, doğru istiqamətdə hərəkət etdiyimizi göstərir.
Bu həftəsonu qalib gəlmək istəyirəm. Bu, hər həftəsonu üçün məqsədimdir, amma burada xüsusilə, çünki bu tras bizim maşına uyğun gəlməlidir. Sadəcə gücümə güc qatmalıyam. Spa həftəsonu çətin idi, baş verənlərin bütün məsuliyyətini öz üzərimə götürürəm. Əsas odur necə reaksiya verirsən və inanıram ki, burada yenidən mübarizəyə qayıda biləcəyəm.
Spa-dakı cəza ilə bağlı styuardlara müraciət edəcəyəmmi? Mən belə məsələlərdən uzaq durmağa çalışıram. Bu həftəsonuna cəzanı mübahisələndirmək fikri ilə gəlməmişdim. Əminəm ki, onlar özləri hər şeyi araşdıracaqlar. FIA cəzaların ardıcıllığını təmin etməyə çalışaraq işlərini yaxşı görməyə çalışır. Aydın məsələdir ki, bunu həmişə əldə etmək mümkün olmur. Amma mən artıq keçən həftəsonunu düşünmürəm. İş görülüb, irəliləmək lazımdır”.
