Bununla belə, o sürətin azalmasının nə ilə bağlı olduğunu izah etmədi, yalnız Belçika trasında nəticələrin fərqlənməsinin həmçinin güc qurğularının hibrid sistemlərinin enerji idarəçiliyinə müxtəlif yanaşmalarla əlaqəli olduğunu qeyd etdi.
“Günün birinci yarısında hər şey nisbətən yaxşı alındı, ikinci yarıda bəzi çətinliklər yarandı, baxmayaraq ki, hər şey nisbi olsa da, – dedi o. – Biz başa düşürük ki, yanacaq yükü sürətə çox təsir edən mühüm amildir və bu o deməkdir ki, biz öz nəticələrimizi digər komandaların nəticələri ilə müqayisə edə bilmərik. Belə vəziyyət əvvəlki iki mərhələdə də müşahidə olunmuşdu.
Biz öncəliklə öz vəzifələrimizə fokuslanmışıq, maşınımızdan maksimumu çıxarmağa çalışırıq və nəticələrə şənbə günü gündüz baxacağıq.
Biz enerji istifadəsi üzərində ciddi işləməliyik, çünki bu gün maşınlar arasında sürətdə böyük fərq gördük, o fərq dairənin bir düz hissəsindən digərinə dəyişirdi. Buna görə də simulyatorda aparılan bütün hesablamalardan sonra indi, real trasda olaraq, hər şeyi yenidən təhlil etməli, necə hücum və müdafiə edəcəyimizi düşünməliyik.
Görək, sıralanma turundan sonra hansı mövqelərdə olacağıq. Proqnozlar qurmaq hələ tezdir, çünki mövsümün əvvəlki dörd və ya beş mərhələsində vəziyyətə baxsaq, cümə məşqlərinin nəticələrinə görə sıralama ümumiyyətlə təmsil edici deyildi. Bununla belə, aydındır ki, bizim böyük iş görməyimiz lazımdır”.
