F-1.az xatırladır ki, Vassyör Sauber Group-a və Alfa Romeo komandasına başçılıq edib, lakin indi Mattia Binottonu Scuderia-nın başçısı vəzifəsində əvəzləyib.
Məhz onun rəhbərliyi altında Hinvil komandası böhran dövründən çıxmağa başlayıb və ötən mövsüm Mühəndislər Kubokunda 6-cı yeri tutub. Vassyör Sauber Group-da pay alan və 2026-cı ildə Formula1-ə qayıtmağa hazırlaşan Audi ilə danışıqlarda da iştirak edib. Lakin alman şirkəti onu qalmağa razı salmağa çalışmayıb.
Frederik Vassyör: “Ferrari ilə söhbət edəndə bunu heç kimlə danışmamışdım. Biz bunu Ferrari-nin prezidenti Con Elkannla müzakirə etdik və rəsmi açıqlama verilməzdən əvvəl bu barədə heç kimə demədim. Mən Audi-nin nümayəndələri ilə bu barədə danışanda, onlar dedilər ki, Ferrari-nin təkliflərindən imtina etmək olmaz”.
