F1 75 Live Formula1 tarixində bütün 10 komandanın və 20 sürücünün iştirak etdiyi ilk belə şou olub. Bir axşam ərzində 2025-ci il mövsümü üçün bütün maşınların rəng çalarları təqdim edilib, lakin vacib məqam odur ki, maşınların özü nümayiş olunmayıb.
2027-ci ildə tədbir daha geniş formatda keçiriləcək. F1 Live Milan şousu fevralın 18-də Milanın hələ adı açıqlanmayan məkanlarından birində baş tutacaq. Tədbirdə çempionatın bütün 11 komandasının sürücüləri və rəhbərləri iştirak edəcəklər. Həmçinin musiqili və əyləncə proqramı da nəzərdə tutulub. Bundan başqa, fevralın 18-dən 20-dək azarkeş festivalı da keçiriləcək.
Tədbirlə bağlı əlavə təfərrüat daha sonra açıqlanacaq. Biletlərin satışı bu il başlayacaq, F1 Live Milan şousu isə canlı yayımlanacaq.
