F-1.az xatırladır ki, Simone Resta daha əvvəl Ferrari-də şassi departamentinin rəhbəri olsa da, keçən mövsümün ortasında müəmmalı şəkildə komandadan ayrılaraq, Alfa Romeo-ya getmişdi. Lakin bu mövsüm istənilən nəticələri qazana bilməyən Ferrari italiyalı mütəxəssisi yenidən geriyə qaytarıblar.
Mattia Binotto: “Resta bizimlə işləyəcək. Onun gəlişi Ferrari komandasını texniki cəhətdən gücləndirəcək. 2021-ci il çox yaxındır və Simone Ferrari-nin layihələrində liderdir. Formula1 2021-ci ildə böyük dəyişikliklərə gedəcək və biz yeni eraya hazırlaşmalıyıq”.
