F-1.az xatırladır ki, polşalı sürücü 6 ildən sonra bu il Renault və Williams komandaları ilə testlər etməklə idmana qayıdıb. Kubitsa hazırda Williams komandasına əsas namizədlərdən biri sayılır.
Sebastyan Fettel: “Kubitsanın başına gələnlər çox pisdir. O vaxtlar gələcəyin Dünya Çempionu kimi göstərilirdi və ən güclü dövrlərində idmandan aralanmalı oldu. Nəyə görə daha erkən qayıtmağa cəhd etmədi, anlamıram. Onu yenidən peletonda görmək gözəl olardı. Amma idmana gəlmək üçün var güclərini qoyan gənc sürücülər var. Bu hal onları məyus edə bilər. Görək necə olacaq. Onu yarışarkən görmək hamını sevindirər. Hələ də sürətlidir”.
