F-1.az xatırladır ki, dünənki sərbəst yürüşlərdə əvvəlcə Şarl Lekler, sonra isə Karlos Sayns hamıdan sürətli olub. Bu gün isə Maks Ferstappen protokollara başçılıq edib.
Pirelli bura orta üçlüyü – C2, C3 və C4tərkiblərini gətirib. Hava həddən artıq isti olub, asfaltın temperaturu rekord göstəricidən bir neçə dərəcə fərqlənib.
Karlos Sayns və Kevin Maqnussen yeni güc qurğusuna keçdikləri üçün yarışa son cərgədən başlayacaqlar.
İlk sessiyada hamı Soft təkərlərlə trasa çıxıb və ideal dövrə vurmaq üçün boşluq axtarıb. Lekler ilk cəhdində 1:31.727-lik nəticə göstərib. Maks ona cüzi uduzub. Elbon yerində fırlanıb və boksa gedib. Şumaxerin sürətli dövrəsi trasdan çıxdığı üçün ləğv edilib. Leklerin nəticəsi ən yaxşı olaraq qalıb. Latifi, Şumaxer, Çjou, Stroll və Qasli üçün sıralanma turu başa çatıb.
İkinci Sessiyada trasda sıxlıq azalıb, demək olar ki, bütün sürücülər işlənmiş Soft təkərləri seçiblər. Saynz yeni təkər və yen motorun üstülnüyündən istifadə edərək ən yaxşı nəticəni 0.9 saniyə üstələyərək birinci olub – 1:31.081. O və Ferstappen ikinci cəhdindən imtina edib. Lekler ikinci yerə qalxıb. Elbon, Ferstappen, Bottas, Okon və Rikkardo təsnifat mərhələsi ilə vidalaşıb.
Son sessiyada Maqnussen mübarizəyə qoşulmayıb. Şarl 1:31.209-luq dövrə vurub, Maks ona az fərqlə uduzub. Monakolu sürücü düzlükdə komanda yoldaşının hava boşluğundan istifadə edib. Red Bull bu addımı atmasa da, Sayns ikinci cəhddə də komanda yoldaşına eyni köməyi edib. Nəticə fantastik alınıb – 1:30.872. Ferstappen nəticəsini yaxşılaşdırsa da, rəqibinə çata bilməyib.
Şarl Lekler mövsümdə 7-ci, karyerasında 16-cı poulunu əldə edib. Sabahkı yarışa onun yanından Maks Ferstappen başlayacaq. İkinci cərgə Serxio Peres və Lyuis Həmiltonun, üçüncü cərgə isə Lando Norris və Corc Rassellindir.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 16 | Şarl Lekler | Ferrari | 1 | 1:31.727 | 5 | 2 | 1:31.216 | 6 | 1:30.872 | 6 |
| 2 | 1 | Maks Ferstappen | Red Bull | 2 | 1:31.891 | 5 | 3 | 1:31.990 | 3 | 1:31.176 | 6 |
| 3 | 11 | Serxio Peres | Red Bull | 4 | 1:32.354 | 8 | 4 | 1:32.120 | 6 | 1:31.335 | 6 |
| 4 | 44 | Lyuis Həmilton | Mercedes | 9 | 1:33.041 | 5 | 5 | 1:32.274 | 8 | 1:31.765 | 6 |
| 5 | 4 | Lando Norris | McLaren | 5 | 1:32.672 | 3 | 9 | 1:32.777 | 5 | 1:32.032 | 6 |
| 6 | 63 | Corc Rassell | Mercedes | 10 | 1:33.109 | 6 | 7 | 1:32.633 | 8 | 1:32.131 | 6 |
| 7 | 14 | Fernando Alonso | Alpine | 7 | 1:32.819 | 5 | 6 | 1:32.631 | 6 | 1:32.552 | 6 |
| 8 | 22 | Yuki Tsunoda | AlphaTauri | 13 | 1:33.394 | 8 | 10 | 1:32.836 | 6 | 1:32.780 | 6 |
| 9 | 55 | Karlos Sayns | Ferrari | 3 | 1:32.297 | 3 | 1 | 1:31.081 | 3 | – | 4 |
| 10 | 20 | Kevin Maqnussen | Haas | 6 | 1:32.756 | 3 | 8 | 1:32.649 | 6 | – | 0 |
| 11 | 3 | Daniel Rikkardo | McLaren | 14 | 1:33.404 | 6 | 11 | 1:32.922 | 6 | ||
| 12 | 31 | Esteban Okon | Alpine | 12 | 1:33.346 | 6 | 12 | 1:33.048 | 6 | ||
| 13 | 77 | Valtteri Bottas | Alfa Romeo | 8 | 1:33.034 | 7 | 13 | 1:33.052 | 6 | ||
| 14 | 5 | Sebastyan Fettel | Aston Martin | 11 | 1:33.285 | 9 | 14 | 1:33.276 | 6 | ||
| 15 | 23 | Aleksander Elbon | Williams | 15 | 1:33.423 | 5 | 15 | 1:33.307 | 6 | ||
| 16 | 10 | Pyer Qasli | AlphaTauri | 16 | 1:33.439 | 7 | |||||
| 17 | 18 | Ləns Stroll | Aston Martin | 17 | 1:33.439 | 9 | |||||
| 18 | 24 | Quanyu Çjou | Alfa Romeo | 18 | 1:33.674 | 8 | |||||
| 19 | 47 | Mik Şumaxer | Haas | 19 | 1:33.701 | 9 | |||||
| 20 | 6 | Nikolas Latifi | Williams | 20 | 1:33.794 | 6 | |||||
