F-1.az xatırladır ki, Vandorn 5-ci MGU-H və turbodan istifadə edərək, bu il güc qurğusuna görə cəza alan ilk sürücü olub.
Fernando Alonso: “Dördüncü yarışda bu cəzanı alması çox pis oldu. Vandorna görə məyusam, çünki o super sürücüdür. Formula1 karyerası çətinliklərlə başladı. Amma ümid edirəm ki, bəxtəvər yarış keçirdər və ikimiz də xallar qazanarıq.
Əksər hallarda yarışı bitirə bilmədik. Bu problemlərin sərbəst yürüşlərdə yaranması bizdə inamsızlıq əmələ gətirir. Bolid də Bəhreyndəki ilə eyni boliddir. Buna görə də ilk 3 yarışda problem yaşamışıqsa, burada da yaşayarıq. Növbədə Monako və Barselona kimi yarışlar var.
Yenilənmiş Honda mühərriyi var? Haradadır? Heç nə bilmirəm. Kanadaya qədər heç nə gözləmirəm. Real danışsaq, hazırkı vəziyyətdə Honda-dan yenilik almaq çətin məsələdir. McLaren aerodinamik yeniliklər gətirib. İspaniyada şassi cəhətdən daha güclü olacağımızı düşünürəm. Monakoda da rəqabətədavamlı olacağıq. Kanadada Honda-nın gətirdiyi yeniliklərlə rəqiblərimizə yaxınlaşa bilərik.
İndiyə kimi 2017-ci ildəki kimi performans göstərdiyim olmayıb. Bunu Avstraliyadan bəri deyirəm və heç bir yarışı bitirə bilməmişəm”.
