Aston Martin yeni maşının təqdimat tarixini açıqlayıb

Mövsüm başa çatıb və F1-də qışın son ayına qədər adətən durğunluq olur. Sükutu isə yalnız komandaların növbəti mövsüm üçün hazırladıqları maşının təqdimat tarixini elan etmələri pozur.

F-1.az xəbər verir ki, bu dəfə hamıdan tez tərpənən Aston Martin komandası olub. Komandanın mətbuat xidməti qısa bir açıqlama paylaşıb: “Yeni maşınımızı 13 fevralda təqdim edəcəyimizi açıqlamaqdan məmnunuq. Tədbir Silverstoundakı yeni bazada xüsusi qonaqların iştirakı ilə baş tutacaq və bütün rəqəmsal kanallarımızda canlı yayımlanacaq”.

Qeyd edək ki, komandanın gələn il mübarizə aparacağı bolid AMR23 adlandırılır.

Bundan əlavə, Aston Martin-in mətbuat xidməti yeni ildə mövsümöncəsi test proqramı və 2023-cü ildə jurnalistlərlə işin necə təşkil ediləcəyi barədə ətraflı məlumat dərc edəcəyinə söz verib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*