Quru. Günəşli. Havanın temperaturu +34°-35° C, trasın temperaturu +59°-62° C

Bu gün səhər Mercedes AMG sürücüləri yenə də hamıdan sürətli olublar, amma onların üstünlükləri artıq elə də çox deyil.

Sessiyanın 20-ci dəqiqəsində trasa çıxan Niko Rosberq elə ilk cəhdindəcə protokolların zirvəsinə yüksəlib. Onun komanda yoldaşı Lyuis Həmilton əyləc problemləri üzündən 4-cü nəticə göstərməklə boksa qayıtmalı olub. Kimi Rəykkönen isə arxa təkərin deşilməsi üzündən sonuncu nəticə göstərib.

Sessiyanın ikinci yarısında sürücülər Medium təkərlərinə keçərək sıralanma turuna hazırlaşıblar. Rosberq yenə də sürətli olub, Həmilton 2-ci, Rəykkönen isə 3-cü nəticə göstəriblər – Ferrari liderlərə çox yaxındır. F-1.az xatırladır ki, Bakı vaxtı ilə saat 13:00-da sıralanma turu başlayacaq…

Nəticələr belə olub:

Quru. Buludlu. Havanın temperaturu +30°-31° C, trasın temperaturu +46°-49° C

Meteoroloqların proqnozlarına baxmayaraq, sərbəst yürüşlərin şənbə sessiyası quru və isti havada baş tutub, amma avtodrom üzərinə toplaşan buludlar tezliklə yağışın yağmasından xəbər verirdi. Ona görə də sessiya başlayan kimi bütün sürücülər trasa tələsiblər.

Sessiyanın əvvəlində McLaren sürücüləri problemlərlə üzləşiblər – Kevin Maqnussen heç bir nəticə göstərmədən boksa qayıtmalı olub, onun maşınında motor gücünü itirib, Censon Batton isə sürətli dövrə göstərib, amma nəticəsi liderdən 20 saniyə zəif olub və bir daha trasa qayıtmayıb. Sessiyanın sonunda Kevin trasa qayıtsa, yalnız bir dövrə vurmaqla kifayətlənib.

Kamui Kobayaşi yenə də problemlər üzləşib – bir neçə dövrə vuran yaponiyalı sürücü boksa qayıdıb və trasa qayıtmayıb. Lotus sürücülərinin də problemləri davam edib – Qrojanın maşınında ötürmələr qutusu stabil işləməyib, Maldonado isə əyləc problemləri yaşayıb.

Medium təkərlərinə keçdikdən sonra Mercedes AMG sürücüləri əlçatmaz olublar və hamını bir saniyədən çox qabaqlayıblar. Ferrari və Red Bull sürücüləri də pis təsir bağışlamayıblar. Niko Hülkenberqin nəticəsi isə gözlənilməz alınıb.

Nəticələr belə olub:

Quru. Buludlu. Havanın temperaturu +31°-32° C, trasın temperaturu +36°-39° C

Bu gün səhər yağış gözlənilsə də, proqnozlar doğru olmayıb və komandalar sıralanma turu və yarışa hazırlıqlarını başa vura biliblər. Dünən axşam mühəndislər toplanmış məlumatları təhlil ediblər, bundan sonra sazlanmalara düzəlişlrə edilib ki, təkərlərin yeyilməsinın qarşısı alınsın.

Sepanq uik-endinin həlledici faktoru təkərlərdən effektiv istifadə olunmasıdır – bu gün asfaltın temperaturu elə sabah yarışa gözlənilən temperatura yaxın olub.

Sessiya ciddi insidentsiz ötüşüb, nəticələr çox sıx alınıb – protokollara Sebastyan Fettel (1:36.435) başçılıq edib: ilk on bir sürücü 1 saniyəyə yerləşib…

Nəticələr belə olub:

Sessiyanın əvvəlində qurumaqda olan tras, sonra quru. Buludlu. Havanın temperaturu +29° C, trasın temperaturu +41° C

Niko Rosberq bu gün səhər ən yaxşı nəticəyə imza atıb. Red Bull və Lotus sürücüləri sonrakı yerləri tutublar. Dünən hamıdan sürətli olmuş Lyuis Həmilton bu gün yalnız sessiyanın sonunda trasa çıxa bilib.

Sessiya nəm trasda başlayıb, ona görə sürücülər yağış və keçid təkərlərini yoxlayıblar. 20 dəqiqədən sonra tras tam quruyub və sürücülər normal işə başlayıblar. Hard tərkibi ilə uzun müddət Pastor Maldonado hamıdan sürətli olub, amma son on dəqiqədə digər sürücülər önə çıxıblar.

Nəticələr belə olub:

Quru. Buludlu. Havanın temperaturu +29° C, trasın temperaturu +43° C

Bu gün səhər Sepanqda yenə də yağış yağmayıb, komandalar sıralanma turuna və yarışa hazırlıqlarını davam etdiriblər.

Sürücülər sessiyaya bərk təkərlərlə başlayıblar, son 20 dəqiqədə isə yumşaq təkərlərə keçiblər – ona görə də yaxşı nəticələr sessiyanın sonuna təsadüf edib. Protokollara isə Lyuis Həmiltonn başçılıq edib, amma ilk sürücü bir saniyəyə yerləşib.

Sessiya ciddi insidentsiz ötüşüb, iki dəfə Pol di Resta yerində fırlanıb, amma maşına heç nə olmayıb. Hispania komandasının göstərdiyi nəticələr isə 107% səddini aşmayıb…

Nəticələr belə olub: