M.Arrivabene: “Pit yolu kassadakı növbələri xatırladacaq”

Ferrari komandasının rəhbəri Mauritsio Arrivabene bildirib ki, yeni sıralanma turu formatına görə pit yolunda böyük növbə olacaq...

F-1.az xəbər verir ki, Mauritsio Arrivabene bildirir ki, yeni sıralanma turu formatını dəstəkləyir, amma ilk yarışda tətbiq olunmasını düzgün saymır: “Mən yeni qaydalara qarşı olmaq istəmirəm. Ferrari də yeni qaydalara qarşı deyil. Sadəcə komandalara yeni formatı başa düşmələri üçün bir az vaxt verilə bilərdi.

Dəqiq nəsə deyə bilmirəm. Bir onu bilirəm ki, şənbə günü pit yolunda kassaların önündə olduğu kimi növbə olacaq. Hamı eyni anda trasa çıxmaq istəyəcək.

Sonrasını görəcəyik. Bir şeyi tam anlamamış tənqid etmək doğru deyil”.

McLaren komandasının idman direktoru Erik Bulye də yeni sıralanma turları formatı barədə danışıb: “Əvvəlki sıralanma turu formatı ən uğurlu format idi. Ona öyrəşmişdik. Hazırkı vəziyyətdə seansın əvvəlində trafik olacaq və gözlənilməz nəticələr alınacaq. Gözləyək və görək”.

, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*