Toto Volff: “Monzadakı həftəsonu bu mövsüm bizim üçün ən yaxşılarından biri oldu və Brəklidə, eləcə də Briksuortda çalışan hər kəsə vacib nəticə qazandırdı. Komanda üzərinə düşən işi əla yerinə yetirdi, sürücülər mərhələni yüksək səviyyədə keçirdilər və biz maşından maksimumu sıxıb çıxara bildik. Bundan razı qala bilərik, amma Monza artıq geridə qaldı. İtaliyadan ayrılan kimi bütün diqqət Madrid mərhələsinə yönəldi.
Bu həftəsonu qarşımızda tam fərqli tapşırıqlar dayanır. Xüsusiyyətlərinə görə tras daha çox Budapeştə və ya Zandforta yaxındır, buna görə də mübarizənin çox gərgin keçəcəyi ehtimal olunur. Məqsədimiz Madrid trasının xüsusiyyətlərini mümkün qədər tez anlamaq və elə ilk məşqdən maşının potensialını maksimum dərəcədə üzə çıxarmaqdır. Yeni traslar hər zaman bərabər imkanlar yaradır – burada həm fürsətlər var, həm də kifayət qədər naməlum amillər.
Madrid dünya əhəmiyyətli şəhərlərdən biridir, buna görə də yarışın burada keçirilməsi Formula1 üçün daha bir mühüm addım olacaq. Belə simvolik paytaxtın çempionat mərhələsinə ev sahibliyi etmək istəməsi idmanımızın gücündən və onun bütün dünyada inkişafını necə fəal şəkildə davam etdirdiyindən xəbər verir”.
