F-1.az xəbər verir ki, artıq mətbuatda Red Bull Technology-nin 50%-lik hissəsinin Porsche tərəfindən alınması barədə xəbərlər yayılıb – Red Bull yeni güc qurğularının olacağı 2026-cı ildən etibarən almanlarla birgə çalışacaq.
Hələ heç bir rəsmi açıqlama verilməyib. Hazırda təsadüfən və ya qəsdən yaranmış şayiə var. RacingNews365.com xəbər verir ki, Red Bull-un Porsche ilə müqaviləsi ilə bağlı heç bir qərar verilməyib, üstəlik, vəziyyət ilin əvvəlində olduğu kimi qalır.
Qərarların gecikmə səbəbi 2026-cı ildə motor reqlamentinin necə olacağının hələ də tam bilinməməsidir, lakin FİA-nın bu barədə qərarını avqustun ikinci həftəsindən gec olmayaraq verəcəyi gözlənilir.
