F-1.az xatırladır ki, yeni bolidlərdə asfaltayatma qüvvəsi artdığı üçün bolidlərin bir-birlərini izləməsi çətinləşib. Hələ keçən ildən ötmələrin sayının azalacağını düşünənlər var idi.
Bu düşüncələr Avstraliyada özünü təsdiqləyib və Melburnda cəmi 5 ötmə olub, amma Lauda Çin yarışı üçün nikbin düşünür: “Albert Park dar və kələ-kötürlü olduğu üçün orada ötmə etmək çətindir, amma Çindəki tras həm enlidir, həm də aqressivdir. Burada çoxlu ötmələr görə bilərik. Düzlüklər çox uzundur və DRS-in hesabına rəqibə yaxınlaşmaq daha asan olacaq. Hələ bir yarış geridə qalıb və buna görə də belə tənqidlər yersizdir”.
