Mayk Krək: “Biz yeni Qran Priyə gəlmişik, hazırda heç kimin əlində kifayət qədər məlumat yoxdur. Cümə günü trası öyrənmək və ona uyğunlaşmaq lazımdır, yalnız bundan sonra gözləntilər barədə danışmaq olar. Nəzəri baxımdan, Madrinq bizim maşına Monzadan daha yaxşı uyğun gəlir, amma bunun reallıqda necə olacağını görəcəyik.
Reallığı unutmamalıyıq. Hazırda tutduğumuz yerlərdəyik. Bizim üçün ayaqlarımızın üstündə möhkəm dayanmaq və inamla irəliləmək vacibdir. Bu uik-endə hazırlaşmışıq, amma unutmaq olmaz ki, bu mövsüm yalnız bir dəfə hər iki maşınla sıralanma turunun ikinci hissəsinə yüksələ bilmişik. Yeni trasda finala çıxacağımızı demək həddindən artıq özünəinam olardı.
Bu yarışın nəticəsi böyük ölçüdə sıralanma turundan asılıdır. Əgər vəziyyət çətinləşsə, xaos yaransa, bundan öz xeyrimizə istifadə etməyə hazır olmalıyıq.
Biz həmişə mümkün qədər yaxşı hazırlaşmağa çalışırıq, amma belə bir uik-enddə, yalnız simulyasiyaya əsaslandığınız halda, ehtiyatla başlamaq və bilik bazanızı tədricən artırmaq lazımdır. Bunu rəqiblərdən daha yaxşı etməyə çalışmalısınız, amma rəqiblər də çox güclüdür.
Sonda, burada böyük sürprizlər gözləmirəm. Amma vəziyyət nəzarətdən çıxsa, bundan istifadə etməyə hazır olmaq lazımdır – həm sıralanma turunda, həm də yarışda”.
