F-1.az xatırladır ki, güc qurğuları ilə bağlı reqlament hələ təsdiq edilmədiyinə görə Porsche və Audi şirkətləri Formula1-ə qoşulmaq barədə rəsmi açıqlama verə bilmirlər. Keçən ay bu şirkətlərin rəhbərləri reqlamentin təsdiqinin gecikdirilməsindən narazılıqlarını bildirmişdilər..
Hələ Kanada Qran Prisindən əvvəl FİA prezidenti Muhəmməd bin Sulayem və çempionatın rəhbəri Stefano Domenikali şəxsən Porsche və Audi rəhbərlərini ayrı-ayrı konfrans zənglərində əmin etmişdilər ki, Ümumdünya Şurası qaydaları iyulda təsdiq edəcək. Ancaq artıq avqustdur, lakin reqlament hələ də təsdiq olunmayıb…
