F-1.az xatırladır ki, dünən ilk məşqlərdə Lyuis Həmilton, ikinci məşqlərdə isə Maks Ferstappen protokollara başçılıq edib. Bu gün baş tutan yeganə məşqlərin ən sürətlisi isə Serxio Peres olub.
Pirelli buraya ən yumşaq üçlüyü – C3, C4 və C5 tərkibləri gətirib. Artıq cümə günündən məlum olub ki, burada təkərlər əvvəlkindən daha sürətlə yeyilir.
Daniel Rikkardonun keçən yarışdakı insidentə görə mövsümün son Qran Prisinin startında 3 yer itirəcəyi əvvəlcədən məlum idi.
İlk sessiyada tıxacdan yayınmaq istəyən sürücülər trasa eyni vaxtda çıxmayıblar. Tras soyuyub, lakin rezin qatı ilə örtüldüyü üçün daha da sürətlənib. Ferstappen ilk cəhddə 1:24.754 ilə lider olub. O, ikinci cəhdinə işlənmiş təkərlə çıxaraq nəticəsini yaxşılaşdıra bilməsə də, lider olaraq qalıb. Ferrari sürücüləri isə bir sürətli dövrə ilə kifayətləniblər. Latifi, Elbon, Bottas və Qasli ilə bərabər, keçən həftə sıralanma turunun qəhrəmanı olmuş Maqnussen mübarizəni dayandırıb.
İkinci Sessiyada Red Bull sürücüləri və Norris təzə, qalan hamı isə işlənmiş təkərlərlə çıxıb. Bu dəfə ən sürətli Peres olub – 1:24.419. İkinci cəhdlərdə əksər sürücülər nəticələrini yaxşılaşdırsalar da, Peresi zirvədən sala bilməyiblər. Çjou, Stroll, Şumaxer, Tsunoda və Alonso ilk onluğa yüksələ bilməyiblər.
Son sessiyada Ferstappen əvvəlcə 1:23.988 kimi möhtəşəm nəticə göstərib. Norris sürətli dövrəsini başa vurmayıb, lakin sonra yenidən trasa çıxıb. Fettel və Rikkardo ikinci cəhdlərindən imtina ediblər. Peres nəticəsini yaxşılaşdıraraq ikinci yerə yüksəlməzdən əvvəl Ferstappen daha da sürətli olub – 1:23.824.
Maks Ferstappen mövsümdə 7-ci, karyerasında isə 20-ci poulunu əldə edib. Sabah onun yanından yarışa komanda yoldaşı Serxio Peres başlayacaq və komanda tarixində 25-ci dəfə ilk cərgəni tutmuş olacaq. İkinci cərgə Ferrari, üçüncü cərgə isə Mercedes sürücülərinindir.
Sabah bizi mövsümün son yarışı gözləyir…
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 1 | 1:24.754 | 5 | 4 | 1:24.622 | 6 | 1:23.824 | 6 |
| 2 | 11 | Serxio Peres | Red Bull | 2 | 1:24.820 | 6 | 1 | 1:24.419 | 6 | 1:24.052 | 6 |
| 3 | 16 | Şarl Lekler | Ferrari | 4 | 1:25.211 | 5 | 2 | 1:24.517 | 6 | 1:24.092 | 6 |
| 4 | 55 | Karlos Sayns | Ferrari | 3 | 1:25.090 | 4 | 3 | 1:24.521 | 6 | 1:24.242 | 6 |
| 5 | 44 | Lyuis Həmilton | Mercedes | 8 | 1:25.594 | 6 | 5 | 1:24.774 | 9 | 1:24.508 | 6 |
| 6 | 63 | Corc Rassell | Mercedes | 7 | 1:25.545 | 6 | 7 | 1:24.940 | 8 | 1:24.511 | 6 |
| 7 | 4 | Lando Norris | McLaren | 5 | 1:25.387 | 6 | 6 | 1:24.903 | 6 | 1:24.769 | 5 |
| 8 | 31 | Esteban Okon | Alpine | 12 | 1:25.735 | 5 | 9 | 1:25.007 | 6 | 1:24.830 | 6 |
| 9 | 5 | Sebastyan Fettel | Aston Martin | 6 | 1:25.523 | 9 | 8 | 1:24.974 | 6 | 1:24.961 | 3 |
| 10 | 3 | Daniel Rikkardo | McLaren | 14 | 1:25.766 | 6 | 10 | 1:25.068 | 6 | 1:25.045 | 3 |
| 11 | 14 | Fernando Alonso | Alpine | 15 | 1:25.782 | 6 | 11 | 1:25.096 | 6 | ||
| 12 | 22 | Yuki Tsunoda | AlphaTauri | 10 | 1:25.630 | 9 | 12 | 1:25.219 | 6 | ||
| 13 | 47 | Mik Şumaxer | Haas | 11 | 1:25.711 | 9 | 13 | 1:25.225 | 6 | ||
| 14 | 18 | Ləns Stroll | Aston Martin | 13 | 1:25.741 | 9 | 14 | 1:25.359 | 6 | ||
| 15 | 24 | Quanyu Çjou | Alfa Romeo | 9 | 1:25.594 | 6 | 15 | 1:25.408 | 6 | ||
| 16 | 20 | Kevin Maqnussen | Haas | 16 | 1:25.834 | 9 | |||||
| 17 | 10 | Pyer Qasli | AlphaTauri | 17 | 1:25.859 | 9 | |||||
| 18 | 77 | Valtteri Bottas | Alfa Romeo | 18 | 1:25.892 | 6 | |||||
| 19 | 23 | Aleksander Elbon | Williams | 19 | 1:26.028 | 9 | |||||
| 20 | 6 | Nikolas Latifi | Williams | 20 | 1:26.054 | 9 | |||||
