Azərbaycan-2019: Yarış

Mövsümün ilk 3 yarışında Ferrari favorit hesab edilsə də, Mercedes dublla ayrılmışdı. Bakıda da sərbəst yürüşlərdə Ferrari-nin, xüsusilə də, Leklerin üstünlüyü nəzərə çarpırdı və hamı ondan qələbə gözləyirdi. Ta ki, dünən sıralanma turunda qəza edənə qədər...

F-1.az xatırladır ki, dünən baş tutan sıralanma turunda əvvəl Kubitsanın, sonra isə Leklerin qəzası xeyli vaxt itkisinə səbəb olub, havanın sərinləşməsi ilə Mercedes üstünlük əldə edib. “Gümüş oxlar” bu üstünlük nəticəsində ilk cərgəni zəbt ediblər – Bottas ardıcıl ikinci poulunu əldə edib.

Qasli cümə günü tərəziyə gəlmədiyi üçün yarışa pit-leyndən başlamaqla cəzalandırılıb. Robert Kubitsa qapalı park qaydasını pozduğu üçün eyni aqibətlə üzləşib. Bu gün isə Kimi Rəykkönenin maşınının ön qanadının normadan artıq elastik olduğu məlum olub və finlandiyalı sürücü də pit yoluna göndərilib.

Covinatsi güc qurğusundakı dəyişikliklərə görə bu mövsüm cəza alan ilk sürücü olub – dəyişikliklər onu startda 10 yer geri salıb.

Yarışa ilk cərgədən Mercedes pilotları, ikinci cərgədən Fettel və Ferstappen, üçüncü cərgədən isə Peres və Kvyat başlayıblar.

Pirelli bura orta üçlüyü – C2, C3 və C4 tərkiblərini gətirib. Lekler, Qrojan, Rassell, Kubitsa və Qasli Medium, qalan bütün sürücülər Soft təkərlərlə yarışa başlayıblar.

Start insidentsiz ötüşüb – Həmilton Bottasa hücumlar etsə də, finlandiyalı yerini qoruya bilib və bir qədər sonra fərqi artırıb. Peres Verstappeni ötüb, Lekler isə Rikkardo və Saynsdan geri qalıb. 2-ci dövrədə ilk onluq: Bottas – Həmilton – Fettel – Peres – Ferstappen – Norris – Kvyat – Sayns – Rikkardo – Lekler.

Növbəti dövrələr ötmələrlə zəngin olub – Stroll və Lekler Rikkardonu, daha sonra Sayns və Lekler Kvyatı keçiblər. Lekler daha sonra Saynsı da üstələyib, Kvyat isə Stroll, Rikkardo və Elbonun hücumlarına tab gətirə bilməyib. 10-cu dövrədə ilk onluq: Bottas – Həmilton – Fettel – Lekler – Ferstappen – Peres – Sayns – Qasli – Stroll – Rikkardo.

11-ci dövrədə Peres, Rikkardo və Stroll pit-stopa yollanıblar. 12-ci dövrədə Fettel, növbəti dövrələrdi isə, Bottas, Sayns, Elbon, Həmilton və Ferstappen təkərlərini dəyişiblər. Kubitsa startda pit yolundan tez çıxdığı üçün pit-leyndən keçməklə cəzalandırılıb. 17-ci dövrədə artıq təkərləri yeyilmiş Qasli komanda yoldaşını irəli buraxıb. Növbəti dövrədə Kvyat Qrojanı keçərək onunculuğa yüksəlib.

Kvyat və Rikkardo eyni anda təhlükəsizlik zonasına çıxıblar, Daniel maşını arxaya verərkən diqqətsizlik edib və Kvyatla toqquşub. Hər iki sürücü xeyli vaxt və yer itirərək mübarizəyə davam ediblər. Lakin bir qədər sonra Rikkardo boksa qayıdıb və yarış onun üçün başa çatıb.

Lekler nəhayət, 35-ci dövrədə təkərlərini dəyişib. Mühəndislər Kvyatın maşınında problem olduğunu görüblər və rusiyalı sürücüyə yarışı dayandırmaq barədə göstəriş veriblər.

39-cü dövrədə Qaslinin maşını güc itirib və o, maşını təhlükəsizlik zonasında saxlayıb. Virtual Təhlükəsizlik Maşını rejimi elan edilib. Sürücülər 41-ci dövrədə mübarizəyə davam ediblər. 42-ci dövrədə ilk onluq: Bottas – Həmilton – Fettel – Ferstappen – Lekler – Peres – Sayns – Norris – Stroll – Rəykkönen.

Lekler sürətli dövrə üçün 48-ci dövrədə pit-stop edərək yeni təkərlərə keçib. Monakolu sürücü istəyinə 50-ci dövrədə nail olub. Həmilton son dövrələrdə Bottasa xeyli yaxınlaşıb və hücum üçün fürsət axtarıb. Lakin 16-cı dövrədə səhvə yol verərək son şansından yararlana bilməyib.

Valtteri Bottas mövsümdə ikinci, karyerasında beşinci qələbəsini qazanıb. Lyuis Həmilton ikinci olub və Mercedes mövsümdəki dördüncü yarışdan da dubl ilə ayrılıb. Sebastyan Fettelin tutduğu podiumun son pilləsi isə Ferrari üçün təsəlli sayıla bilərmi, maraqlıdır…

Mübarizə iki həftə sonra İspaniyada davam edəcək…

Yer N Sürücü Komanda Zaman/Fərq Pit
1 77 Valtteri Bottas Mercedes AMG 1:31.52.942 1
2 44 Lyuis Həmilton Mercedes AMG + 0:01.524 1
3 5 Sebastyan Fettel Ferrari + 0:11.739 1
4 33 Maks Ferstappen Red Bull + 0:17.493 1
5 16 Şarl Lekler Ferrari + 1:09.107 2
6 11 Serxio Peres Racing Point + 1:16.416 1
7 55 Karlos Sayns McLaren + 1:23.826 1
8 4 Lando Norris McLaren + 1:40.268 2
9 18 Ləns Stroll Racing Point + 1:43.816 1
10 7 Kimi Rəykkönen Alfa Romeo +1 dövrə 1
11 23 Aleksander Elbon Toro Rosso +1 dövrə 1
12 99 Antonio Covinatsi Alfa Romeo +1 dövrə 1
13 20 Kevin Maqnussen Haas +1 dövrə 2
14 27 Niko Hülkenberq Renault +1 dövrə 2
15 63 Corc Rassell Williams +2 dövrə 2
16 88 Robert Kubitsa Williams +2 dövrə 3

 

Sürətli Dövrə: Şarl Lekler (Ferrari) 1:43.009 (50-ci dövrə, 209,795 km/s).

 

MÜBARİZƏNİ DAYANDIRANLAR:

Sürücü Komanda Dövrə Səbəb
Roman Qrojan Haas 38 əyləc
Pyer Qasli Red Bull 38 motor
Daniil Kvyat Toro Rosso 33 qəza/altlığın zədələnməsi
Daniil Rikkardo Renault 32 qəza

 

SÜRÜCÜLƏRİN ÇEMPİONATI:

Yer N Sürücü Ölkə Komanda Xal
1 77 Valtteri Bottas Mercedes AMG Petronas Motorsport 87
2 44 Lyuis Həmilton Mercedes AMG Petronas Motorsport 86
3 5 Sebastyan Fettel Scuderia Ferrari 52
4 33 Maks Ferstappen Aston Martin Red Bull Racing 51
5 16 Şarl Lekler Scuderia Ferrari 47
6 11 Serxio Peres Sportpesa Racing Point F1 Team 13
7 10 Pyer Qasli Aston Martin Red Bull Racing 13
8 7 Kimi Rəykkönen Alfa Romeo Racing 13
9 4 Lando Norris McLaren F1 Team 12
10 20 Kevin Maqnussen Rich Energy Haas F1 Team 8
11 27 Niko Hülkenberq Renault F1 Team 6
12 55 Karlos Sayns McLaren F1 Team 6
13 3 Daniel Rikkardo Renault F1 Team 6
14 18 Ləns Stroll Sportpesa Racing Point F1 Team 4
15 23 Aleksander Elbon Red Bull Toro Rosso Honda 3
16 26 Daniil Kvyat Red Bull Toro Rosso Honda 1

 

MÜHƏNDİSLƏR KUBOKU:

Yer Komanda Motor Xal
1 Mercedes AMG Petronas Motorsport Mercedes 173
2 Scuderia Ferrari Ferrari 99
3 Aston Martin Red Bull Racing Honda 64
4 McLaren F1 Team Renault 18
5 Sportpesa Racing Point F1 Team Mercedes 17
6 Alfa Romeo Racing Ferrari 13
7 Renault F1 Team Renault 12
8 Rich Energy Haas F1 Team Ferrari 8
9 Toro Rosso Honda Honda 4

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*