Dünən Maks Mosli jurnalistlərə işarə edib ki, keçənilki News Of The World qəzetindən başlayan və onun şəxsi həyatını əks etdirən qalmaqalın arxasında duran şəxsləri yaxşı tanıyır, bu gün isə mətbuatda federasiya prezidenti geniş şərh verib…
Maks Mosli: “Faktiki olaraq biz bilirik ki, bu qalmaqalın arxasında kim dayanırdı, bu adam Formula1-dəndir, amma mən hər hansı bir bəyanat verməyəcəm, çünki öz düzgünlüyümə tam əmin olmalıyam. Buna isə bir neçə il lazım ola bilər, amma vaxt vacib deyil, hazırda Almaniyada, Fransada və İtaliyada böhtanla əlaqədar saxlanılmış 17 nəfərin məhkəməsi davam edir.
Bütün bunlar əyləncə üçün edilməmişdi, bu aydındır, məqsəd aşkardır – onlar məni istefaya getməyə məcbur etmək istəyirdilər, bunu News Of The World də belə düşünürdü. Mən idman sanksiyalarını da istisna etmirəm, amma hələlik bu məsələ müzakirə olunmayıb.”
