25 Sentyabr 2017, Bazar ertəsi - 13:58

Alonso və Vandorn startda 15 yer itirəcəklər

Alonso və Vandorn startda 15 yer itirəcəklər

Müəllif: Rauf Hacıyev, redaktor

17:48 - 22 İyun, 2017

McLaren komandasının sürücüləri Fernando Alonso və Stoffel Vandorn Honda güc qurğusunun yeni elementlərinə keçməsinə görə startda 15 yer itirəcəklər.

F-1.az xatırladır ki, Honda bu il MGU-H problemləri ilə mübarizə aparır. Yaponlar bu problemin həllini Kanadada tapsalar da, yenilikdən Bakıda istifadə etmək qərarına gəlmişdilər. Buna görə Alonso və Vandorn Bakıda yeni MGU-H-dan istifadə edəcək. Hər iki sürücü builki 6-cı turbo və MGU-H-dan istifadə etdikləri üçün startda 15 yer itirəcəklər.

Stoffel Vandorn: “Həftəsonuna başlarkən cəza almaq heç də yaxşı hal deyil, amma vəziyyət belədir. Ən yaxşısını etməyə çalışacağıq. Bəlkə yarış tempinə daha çox fokuslanarıq və ümid edirəm ki, yarışda daha güclü olarıq.

Yeni detallar barədə Honda-dan soruşmalısınız. Ancaq mən düşünürəm ki, hər şey fərqli olacaq”

Qeyd edək ki, Alonso Bakıda 4-cü, yəni sonuncu daxilyanma mühərriyindən istifadə edəcək. Honda cümə günü bəzi yeni detalları test edəcək. Daha sonra isə bu detallardan istifadə edib-etməyəcəyinə qərar verəcək…


Son Xəbərlər

İnformasiya

Bölüm Xəbərlər
Mənbə
Baxış Sayı 2. 208
Teqlər , , , ,
Paylaş

logo