F-1.az bildirir ki, Fettel və Lyuis Həmilton sabah F1 tarixində 34-cü dəfə birinci cərgəni bölüşəcəklər – Alen Prost və Ayrton Senna da 34 dəfə birinci cərgədən yanaşı start almışdılar.
Sebastyan Fettel: “Sıralanma turu şən keçdi, 8-ci döngədə təkərləri bloka saldım, amma birinci sektoru yaxşı keçdiyim üçün dövrəyə davam etməyi qərara aldım. Amma yenə də səhvə yol verdim və nəticəmi yaxşılaşdıra bilmədim.
Dəyişkən hava şəraitində hər hansı bir qərar qəbul etmək çətindir. Biz boksdan çox şey görmürük, hisslərimizə uyğun hərəkət edirik. Komandanın hava şəraiti barədə aldığı məlumata etibar etməli oluruq – komanda həm də başqa sürücülərin seçimləri barədə də məlumat verir.
Trasda vəziyyət belə olanda sıralanma turunun gedişinə hər şey təsir edə bilər, ona görə də hesab edirəm ki, bu gün bizim bəxtimiz gətirdi, axı hamımız eyni vəziyyətdə idik…”
