Hər il olduğu kimi, bu dəfə də FİA Qran Prinin stüardları cərgəsinə keçmişin təcrübəli sürücülərini cəlb edəcək. İspaniyada stüardlara kömək etmək üçün FİA keçmiş Formula1 sürücüsü, 1980-ci ilin dünya çempionu Alan Consu dəvət edib.
Formula1 karyerası ərzində Alan 12 qələbəyə, 6 poula və 13 sürətli dövrəyə imza atıb. Avstraliyalı sürücü Williams komandası ilə məşhur olsa da, ilk qələbəsini 1977-ci il Avstriya Qran Prisində Shadow komandası ilə qazanıb. Consla birlikdə uik-endin mübahisəli insidentlərini İsveçrə avtofederasiyasının başçısı Paul Qutyar və FİA Komissiyasının prezidenti, Kanada avtoklubunun başçısı Rocer Pirt araşdıracaqlar…
