18 Oktyabr 2018, Cümə axşamı - 05:10

Barselona, 27.02.2018

Barselona, 27.02.2018

Müəllif: Elçin Zodorov, redaktor

21:20 - 27 Fevral, 2018

Komandalar ilk gün soyuq havadan şikayət etmişdilər. Bu gün səhər isə temperatur hətta sıfır dərəcədən aşağı olub. Sürücülər ilk saatları bokslarda keçiriblər, çünki belə hava şəraitində təkərləri qızdırmaq mümkün deyildi.

F-1.az bildirir ki, itirilən vaxtın kompensasiya edilməsi üçün nahar fasiləsi ləğv edilib. Nəticədə sürücülərin əksəriyyəti uzun məsafə qət edə biliblər. Komandalar testlərin daha bir gün uzadılması məsələsini müzakirə ediblər, lakin müsbət qərar qəbul edilməyib. Trasda cümə və şənbə günlərində Williams və Ferrari komandaları çəkiliş günü keçirəcəklər.

Mercedes sürücülərin iş qrafikində dəyişiklik edib və maşın günün sonuna qədər Valtteri Bottasın ixtiyarına verilib. Williams-da isə nahar fasiləsindən sonra Sirotkinin Kubitsa tərəfindən əvəzlənəcəyi deyilmişdi, lakin komanda əsas sürücüsünə 2 saat çox vaxt verib. Polşalı sürücü sükan arxasına keçdikdə hava şəraiti daha yaxşı olub və Sergeydən daha yaxşı nəticə göstərib.

Testlər iki dəfə qırmızı bayraqlarla dayandırılıb. Əvvəlcə Lekler dördüncü döngədə trasdan çıxıb və onun maşını təxliyə edilib. Sonra isə yerində fırlanan Fettel asfaltı çınqılla doldurub. Lakin təmizlənmə işi tez başa çatıdırılıb.

Ferstappen yanacaq sızıntısına görə xeyli vaxt itirib. Dünən 100-dən çox dövrə vuran komanda yoldaşı Rikkardo maşından razı qalmışdı, lakin artıq bu gün problemlər üzə çıxıb. Bununla belə, Ferstappen də RB14 barədə müsbət düşüncədə olduğunu bildirib. Dünən proqramı tam yerinə yetirə bilməyən McLaren komandası üçün bu gün də fərqli olmayıb. Maşında yaranmış problemə görə Vandorn günün böyük hissəsini boksda keçirməli olub və cəmi 37 dövrə vura bilib.

Hava axşama yaxın yenə soyuyub və bir az qar yağıb. Sürücülər keçid təkərlərlə trasa qayıdıblar.

Protokollara Fettel başçılıq edib – alman sürücü Soft təkərlərlə 1:19.673-lik nəticə göstərib. O, həm də dövrə sayına görə lider olub.

Sabah üçün yağış vəd edilir…

YerNSürücüKomandaZamanFərqDövrəTəkər
15Sebastyan FettelFerrari1:19.67398Soft
277Valtteri BottasMercedes AMG1:19.976+ 0:00.30394Medium
32Stoffel VandornMcLaren1:20.325+ 0:00.65237Hypersoft
433Maks FerstappenRed Bull1:20.326+ 0:00.65367Medium
555Karlos SaynsRenault1:21.212+ 0:01.53965Soft
610Pyer QasliToro Rosso1:21.318+ 0:01.64582Soft
740Robert KubitsaWilliams1:21.495+ 0:01.82248Soft
835Sergey SirotkinWilliams1:21.822+ 0:02.14952Soft
931Esteban OkonForce İndia1:21.841+ 0:02.16879Soft
1016Şarl LeklerSauber1:22.721+ 0:03.04881Soft
1120Kevin MaqnussenHaas1:22.727+ 0:03.05436Soft

Son Xəbərlər

İnformasiya

Bölüm Testlər
Mənbə
Baxış Sayı 291
Teqlər , , , , ,
Paylaş

logo