F-1.az xəbər verir ki, birinci məşqlərdən sonra komandalar təkərlərin resursu barədə tam məlumata sahib olmadıqları üçün, ikinci məşqləri tamamilə tərkiblərin resurs və effektivliyinin müqayisəsinə həsr ediblər.
Sauber-in mexanikləri Leklerin maşınını qəzadan sonra bərpa ediblər, ona görə Şarl boksu tərk edən ilk sürücülərdən olub.
Bu dəfə də insidentsiz ötüşməyib. Sayns və Həmilton 2-ci döngədə trasdan çıxıblar, Lyuis Fettelin arxasında əylənmə zonasında 14-cü döngənin təhlükəsizlik cibinə girməli olub. Hartli və Fettel divara sürtülüblər və hər iki sürücü boksa qayıdaraq maşını təftiş üçün mexaniklərə verib. Sebastyan üçün bununla məşqlər başa çatıb.
Sessiyanın sonunda Eriksson 5-ci döngənin çıxışında yerində fırlanıb, amma Markus yoluna davam edə bilib.
HyperSoft tərkiblə bir neçə sürücü trasın mütləq rekordunu yeniləyib, sonda rekord Kimi Rəykkönendə qalıb – 1:38.699.
| Yer | N | Sürücü | Komanda | Zaman | Fərq | Dövrə |
| 1 | 7 | Kimi Rəykkönen | Ferrari | 1:38.699 | — | 35 |
| 2 | 44 | Lyuis Həmilton | Mercedes AMG | 1:38.710 | + 0:00.011 | 20 |
| 3 | 33 | Maks Ferstappen | Red Bull | 1:39.221 | + 0:00.522 | 28 |
| 4 | 3 | Daniel Rikkardo | Red Bull | 1:39.309 | + 0:00.610 | 33 |
| 5 | 77 | Valtteri Bottas | Mercedes AMG | 1:39.368 | + 0:00.669 | 33 |
| 6 | 55 | Karlos Sayns | Renault | 1:40.274 | + 0:01.575 | 36 |
| 7 | 8 | Roman Qrojan | Haas | 1:40.384 | + 0:01.685 | 33 |
| 8 | 14 | Fernando Alonso | McLaren | 1:40.459 | + 0:01.760 | 31 |
| 9 | 5 | Sebastyan Fettel | Ferrari | 1:40.633 | + 0:01.934 | 12 |
| 10 | 27 | Niko Hülkenberq | Renault | 1:40.668 | + 0:01.969 | 35 |
| 11 | 11 | Serxio Peres | Racing Point | 1:40.774 | + 0:02.075 | 30 |
| 12 | 9 | Markus Eriksson | Sauber | 1:40.812 | + 0:02.113 | 37 |
| 13 | 31 | Esteban Okon | Racing Point | 1:40.870 | + 0:02.171 | 33 |
| 14 | 16 | Şarl Lekler | Sauber | 1:41.062 | + 0:02.363 | 37 |
| 15 | 20 | Kevin Maqnussen | Haas | 1:41.154 | + 0:02.455 | 32 |
| 16 | 2 | Stoffel Vandorn | McLaren | 1:41.164 | + 0:02.465 | 32 |
| 17 | 28 | Brendon Hartli | Toro Rosso | 1:41.542 | + 0:02.843 | 38 |
| 18 | 10 | Pyer Qasli | Toro Rosso | 1:41.615 | + 0:02.916 | 36 |
| 19 | 18 | Ləns Stroll | Williams | 1:42.141 | + 0:03.442 | 17 |
| 20 | 35 | Sergey Sirotkin | Williams | 1:42.181 | + 0:03.482 | 36 |
