17 Dekabr 2017, Bazar - 12:10

Rəsmilər Montsanın təqvimdə qalacağına ümidlərini itirmirlər

Rəsmilər Montsanın təqvimdə qalacağına ümidlərini itirmirlər

Müəllif: Elçin Zodorov, redaktor

16:21 - 19 İyul, 2016

Əfsanəvi trasın Formula1-dəki gələcəyi sual altındadır. Bir ilə yaxındır ki, bu barədə olan söz-söhbətlər tükənmir.

F-1.az xəbər vermişdi ki, İmola trasının rəhbərliyi 2017-ci ildən etibarən İtaliya Qran Prisinə ev sahibliyi etmək üçün müqavilə imzalayıb. Lakin Ekklstoun müqavilənin özünə aid hissəsini İtaliya Avtomobil Klubunun (ACİ) razılığı olmadan imzalamır. ACİ-nin rəhbəri Ancelo Stikki Damyani isə məsələyə hələ də münasibət bildirməyib.

Berni Ekklstoun Montsanın siyasi səbəblərə görə təqvimdə qalmasının çətin olduğunu bildirmişdi. Lakin Lombardiya bölgəsinin rəhbərinin müavini Fabritsio Sala Formula1-in Montsada keçirilməsi fikrindən dönməyib: “Ekklstounun bu mövzunu siyasi məsələlərlə əlaqələndirməsi bizi məyus etdi. Biz üzərimizə düşəni etmişik. May ayında müqavilə üçün çatışmayan 5 milyon avroluq məbləği təşkil edəcəyimizi bildirmişik. Damyaninin də heç bir siyasi problemi olmadığı və təklifi FOM-a təqdim edəcəyini bildirməsinə görə şadıq. Ümid edirəm ki, məsələ qısa müddətdə öz həllini tapar. Montsa İtaliya Qran Prisinin bir parçasıdır və bu ənənənin pozulmasına imkan verə bilmərik”.


Son Xəbərlər

İnformasiya

Bölüm Xəbərlər
Mənbə
Baxış Sayı 171
Teqlər , , , , ,
Paylaş

logo