24 Oktyabr 2017, Çərşənbə axşamı - 05:55

Ferrari ön asılqanın konstruksiyasını dəyişməyəcək

Ferrari ön asılqanın konstruksiyasını dəyişməyəcək

Müəllif: Rəhim N.Əliyev, baş redaktor

17:19 - 18 Yanvar, 2015

Xeresdə mövsümöncəsi testlərin başlamasına bir aydan da az vaxt qalır – 2015-ci il mövsümünə hazırlanan maşınları ilk dəfə trasda məhz […]

Xeresdə mövsümöncəsi testlərin başlamasına bir aydan da az vaxt qalır – 2015-ci il mövsümünə hazırlanan maşınları ilk dəfə trasda məhz Xeresdə görəcəyik.

Maşınların təqdimatına qədər qalan vaxtın azalması onların texniki xüsusiyyətlərinin mediaya sızması ilə müşayiət olunur. Bu gün İtaliyanın Autosprint nəşri yazıb ki, Ferrari komandası yeni maşında asılqanların konstruksiyasını dəyişməyəcək – komandanın mühəndisləri dartıcı asılqanlara üstünlük veriblər.

Nəzəri cəhətdən belə bir texniki konstruksiya müəyyən aerodinamik üstünlük verir və ağırlıq mərkəzini aşağı salır. Bu konstruksiyaya Ferrari mühəndisləri 2012-ci ildən üstünlük verirlər – keçən mövsümdə Kimi Rəykkönenin problemləri məhz bu konstruksiya ilə izah olunur. Keçən il finlandiyalı sürücü maşının ön hissəsinin davranışından daim gileylənirdi.

F-1.az Autosprint-ə istinadən bildirir ki, Kimi Rəykkönenin sürmə stili komandanın debütantı Sebastyan Fettelin stilindən fərqlənmir. Amma ekspertlər hesab edirlər ki, mühəndislər keçən ilin səhvlərini nəzərə alıblar və yeni maşının sələfinə xas olan problemlərdən uzaq olacaq…


Son Xəbərlər

İnformasiya

Bölüm Xəbərlər
Mənbə
Baxış Sayı 178
Teqlər , , , , ,
Paylaş

logo