Hazırda BBC-də şərhçi işləyən keçmiş Formula1 sürücüsü Dəvid Kultharda Red Bull komandası ilə müqaviləsini saxlamaq icazəsi verilib – bu barədə şotlandiyanın Sunday Mail qəzetində yazılıb…
Gözlənilirdi ki, Dəvid BBC-də şərhçi olduqdan sonra komanda ilə əlaqələrini kəsəcək – şotlandiyalı sürücü 2005-2008-ci illərdə komandanın əsas sürücüsü olub və bu günə kimi komandada məsləhətçi kimi işini davam etdirir. Qəzetin verdiyi xəbərə görə, bəzi tənqidçilər təkid edirdilər ki, əks halda vəziyyət BBC-nin nizamnaməsinə zidd olacaq, çünki telekanal bütün jurnalistlərindən, ekspertlərindən və şərhçilərindən neytrallığı tələb edir.
BBC-nin nümayəndəsi bildirib: “Dəviddən neytrallıq xatirinə Red Bull-la əlaqələri kəsmək və ya müvəqqəti olaraq dondurmaq xahiş olunmayıb. Biz həmişə onun komanda ilə münasibətlərindən xəbərdar olmu.uq və vəziyyətə nəzarəti davam etdirəcəyik, əminik ki, bu əlaqələr efir işinə xələl gətirməyəcək…”