23 Noyabr 2017, Cümə axşamı - 22:35

Barselona, 01.03.2016

Barselona, 01.03.2016

Müəllif: Rəhim N.Əliyev, baş redaktor

21:38 - 01 Mart, 2016

Baharın ilk günü Barselonada start götürən mövsümöncəsi testlərin ikinci seriyası başlamamışdan əvvəl Toro Rosso komandası yeni maşınını təqdim edib. Komanda bu maşınla keçən həftə də işləmişdi, amma yeni maşın son handa testlərə gəldiyi üçün trasa texnoloji rənglərdə çıxmışdı, bu gün səhər isə STR11 rəsmən təqdim olunub.

F-1.az xəbər verir ki, Sauber komandasının mövsüm üçün hazırladığı yeni maşın isə trasa ilk dəfə çıxıb – dünən mətbuat xidməti C35-in studiya şəkillərini dərc etmişdi, bu gün səhər isə yeni maşın trasa çıxıb. Bu gün bütün komandalar yeni maşınları ilə trasda işləyiblər – mövsümün startına iki həftədən bir qədər çox qalıb, komandaların ixtiyarnda cəmi 4 test günü var, ona görə də komandalar etibarlılıq üzrə işlrədən tədricən sürət və sazlanmalar üzərində işə keçirlər.

Mercedes AMG komandası nahara qədər bu il ilk dəfə sıralanma turunu imitasiya edib. Rosberq Soft təkərlərlə qısa dövrələr seriyası vurub və hamını sürti ilə valeh edərək protokollarda liderliyi ələ alıb – Niko bu təkərlərlə bu il göstərilmiş ən yaxşı nəticədən 0.7 saniyə sürətli olub. Nahara qədər 82 dövrə vuran almaniyalı sürücü maşını komanda yoldaşı Lyuis Həmiltona təhvil verib, britaniyalı sürücü də 90 dövrə vurmaqla W07-nin etibarlılığını nümayiş etdirib.

Bir çox sürücülər problemlərlə üzləşiblər – Rio Haryanto nahara qədər trasa çıxa bilməyib, Daniil Kvyatın maşınında arxa sağ təkərin əyləcləri yanıb. Nahar qədər McLaren-in maşını qırmızı bayraqlara səbə olub – komanda telemetriyada motorun göstəricilərindən şübhələnib və Alonsodan maşını dayandırmağı xahiş edib. Esteban Qutyerres fasiləyə yaxın maşını mexaniklərə təhvil verib – təhlildən sonra komanda yanacaq sistemindəki problem üzündən günü vaxtından əvvəl başa vurmalı olub.

İkinci dəfə qırmızı bayraqları Ferrari dalğalandırıb – Kimi Rəykkönen pit-leynin çıxışında maşını dayandırıb, ötürmələr qutusundakı nasazlıq üzündən Kimi boksda 2 saat gözləməli olub.

Axşam isə 3-cü dəfə qırmızı bayraqlar dalğalanıb – Kevin Maqnussen 3-cü döngədə trasdan çıxıb.

Axşama yaxın bir çox sürücülər Soft təkərlərlə trasa çıxsalar da, Rosberqin nəticəsini heç kim yaxşılaşdıra bilməyib. Niko zirvədə qalıb – 1:23.022, günün ən böyük məsafəsini isə sürücülərdən Maks Ferstappen (144 dövrə), maşınlardan Mercedes W07 (172 dövrə) qət edib.

Sabah testlər davam edəcək və bir çox komandalarda sürücülər dəyişəcək…

SürücüKomandaZamanFərqDövrə
1. N.RosberqMercedes AMG1:23.02282
2. V.BottasWilliams1:23.229+ 0:00.207123
3. F.AlonsoMcLaren1:24.735+ 0:01.71393
4. K.RəykkönenFerrari1:24.836+ 0:01.81472
5. D.KvyatRed Bull1:25.049+ 0:02.02769
6. L.HəmiltonMercedes AMG1:25.051+ 0:02.02990
7. M.FerstappenToro Rosso1:25.176+ 0:02.154144
8. N.HülkenberqForce İndia1:25.336+ 0:02.314121
9. F.NasrSauber1:25.493+ 0:02.471103
10. K.MaqnussenRenault1:25.760+ 0:02.738119
11. E.QutyerresHaas1:26.661+ 0:03.63923
12. R.HaryantoManor1:27.625+ 0:04.60345

Son Xəbərlər

İnformasiya

Bölüm Testlər
Mənbə
Baxış Sayı 482
Teqlər , ,
Paylaş

logo