15 Dekabr 2017, Cümə - 18:06

S.Fettel: “Rəykkönen ən güclülərdən biridir”

S.Fettel: “Rəykkönen ən güclülərdən biridir”

Müəllif: Rauf Hacıyev, redaktor

19:10 - 28 Aprel, 2017

Ferrari komandasının sürücüsü Sebastyan Fettel bildirib ki, komanda yoldaşı Kimi Rəykkönen güclü sürücüdür..

F-1.az xatırladır ki, almaniyalı sürücü ilk 3 yarışda iki qələbə qazansa da, Rəykkönen podiuma belə yüksələ bilməyib. Amma finlandiyalı sürücü Rusiya yarışına əla başlanğıc edib. Belə ki, 37 yaşlı sürücü birinci sərbəst yürüşlərdə 1-ci, ikinci sərbəst yürüşlərdə isə ikinci yeri tutub.

Sebastyan Fettel: “Kimi builki yarışlarda layiq olduğu nəticələri qazana bilmədi. Bolidində davamlı problemlərlə üzləşdi və buna görə də bir az yoruldu. O paddokdakı ən yaxşı sürücülərdəndir və ondakı istedad heç vaxt itməyəcək. Hər şey onun üçün əlverişli olacağı təqdirdə, istədiyi nəticələri qazanacaq. İki ildir ki, onunla mübarizə aparırıq və bir-birimizə qarşı olan hörməti itirməmişik. Onunla eyni komandada olduğum üçün sevincliyəm. Ümid edirəm ki, növbəti yarışlarda işlərimiz daha yaxşı gedəcək”.


Son Xəbərlər

İnformasiya

Bölüm Xəbərlər
Mənbə
Baxış Sayı 3. 202
Teqlər , , , ,
Paylaş

logo