21 Sentyabr 2017, Cümə axşamı - 12:32

M.Zurer: “Komanda əmrini Ferrari yox, Mercedes tətbiq edir”

M.Zurer: “Komanda əmrini Ferrari yox, Mercedes tətbiq edir”

Müəllif: Rauf Hacıyev, redaktor

17:12 - 08 İyun, 2017

Sabiq Formula1 sürücüsü Mark Zurer bildirib ki, Ferrari sürücülərinə komanda əmri tətbiq etmir. Əksinə, Mercedes bu mövsüm daha çox komanda əmri tətbiq edib.

F-1.az xatırladır ki, Rəykkönen Monako yarışına pouldan başlasa da, Ferrari komandası onu daha tez pitə çağırmış və Fettelin gerisinə düşməsinə səbəb olmuşdu.

Mercedes isə Bəhreyn və İspaniya yarışlarında Bottasa komanda əmri tətbiq edərək, Həmiltonu ön pillələrə çıxarmışdı.

Mark Zurer: “Ferrari komanda əmri tətbiq etmir. Məsələn, Çində Fettel Rəykkönenin arxasında ilişib qaldı. Ferrari bu mübarizəyə qarışmadı və əmr vermədi. Mercedes isə Bəhreyndə açıq-aydın komanda əmri verdi. Məncə, Ferrari doğru yöndə hərəkət edir. Növbəti yarışlarda Kimiyə əmr versələr, onun əhval-ruhiyyəsi pozula bilər. Kimi artıq hər şeyi başa düşür. Əvvəlcə Monakoda qələbəni əldən verdiyi üçün əsəbi idi, ancaq indi Fettelin Monakoda daha sürətli olduğunu anlayacaq.

Əgər Həmilton çempion olmaq istəyirsə, Fettelə daha yaxın olmalıdır. Təyyarəsi ilə dünyanı səyahət etməkdənsə, yarışına fokuslanmalıdır. Bottas gözlənilmədən Həmiltonla mübarizə apara bilir. O da Rosberq kimi boliddən maksimumu çıxara bilir”.


Son Xəbərlər

İnformasiya

Bölüm Xəbərlər
Mənbə
Baxış Sayı 5. 437
Teqlər , , , , , ,
Paylaş

logo