22 Oktyabr 2017, Bazar - 01:19

F.Briatore: “Pulunu Ferrari-yə qoyanlar peşman olacaqlar”

F.Briatore: “Pulunu Ferrari-yə qoyanlar peşman olacaqlar”

Müəllif: Rauf Hacıyev, redaktor

16:11 - 28 Aprel, 2017

Fernando Alonsonun sabiq meneceri Flavio Briatore ispaniyalı sürücünü İndy500-dəki çıxışına görə dəstəkləyib.

F-1.az xatırladır ki, 35 yaşlı sürücü bu il Monako Qran Prisindən imtina edərək, İndy500 yarışında gücünü sınamaq qərarına gəlib.

Flavio Briatore: “Mən də Fernando ilə bir yerdə İndianapolisə gedəcəm. Alonso Monakonu yaxşı tanıyır və bilir ki, orada az da olsa, qələbə qazanmaq ehtimalı yoxdur. Bu yarış onun üçün turist səyahəti kimi olacaq.

Əvvəlki illərdə Le Manda yarışmaq istəsə də, Ron Dennis ona icazə verməmişdi. İndi isə əlinə fürsət düşdüyü üçün İndy500-də gücünü sınamaq istəyir. Burada qalib gəlmək onun üçün möhtəşəm uğur olacaq.

Bu mövsüm Ferrari və Mercedes arasında gərgin mübarizə izləyirik. Pullarını Ferrari-nin qələbəsinə qoyanlar uduzacaqlar, amma nəticə nə olursa-olsun, bizi gözəl mövsüm gözləyir. Mercedes komandasının az da olsa, üstünlüyü var. Ferrari onların üzərində təzyiq qura bildi və səhv etməyə məcbur etdi. Əgər italyanlar yaxşı inkişaf etsələr, Fettelin çempionluq şansı ola bilər”.


Son Xəbərlər

İnformasiya

Bölüm Xəbərlər
Mənbə
Baxış Sayı 3. 070
Teqlər , , , , ,
Paylaş

logo