20 Noyabr 2017, Bazar ertəsi - 06:01

F.Briatore: “Ferrari-də sürücü yoxdur”

F.Briatore: “Ferrari-də sürücü yoxdur”

Müəllif: Rauf Hacıyev, redaktor

08:14 - 14 Noyabr, 2017

Sabiq komanda rəhbəri Flavio Briatore bildirib ki, Ferrari çempionluğu Fettel və Rəykkönenə görə itirib.

F-1.az xatırladır ki, Ferrari bu il Fettellə 5 qələbə qazandığı halda, Mercedes Həmilton-Bottas cütü ilə 11 yarış qazanıb. İtalyanlar 19, almanlar isə 24 dəfə podiuma yüksəliblər.

Ferrari Sinqapur yarışında favorit olduğu halda, startda Fettelin etdiyi səhvə görə iki sürücü ilə də mübarizəni dayandırmışdı.

Flavio Briatore: “Ferrari-nin Braziliyadakı qələbəsi məni sevindirdi, amma filmin baş rol ifaçısı – Həmilton yarışa pit yolundan başladı. Bunu unutmamalıyıq. Onun necə geridönüş etdiyini gördük. Ferrari bu il Mercedes-in sisteminə zərbə vura bilərdi, amma bacarmadı. Bu, təbii ki, sürücülərin səhvidir. Sinqapurda Ferstappeni günahkar saymaq yersizdir. İkinciliyə düşüb sonra onu keçməyi sınamalı idilər. Ən pis halda ikinci olardılar. Sıfır xal ən pis problemdir. Komandanın əhvalına da pis təsir edir.

Ferrari sürücülərini daha yaxşı idarə etməlidir. Mən o vaxtlar Fernandoya deyərdim ki, McLaren-i görəndə əsəblərinə nəzarət et. Üçüncü ol və xal al. Onlar hücum edəndə çox riskə girmə. Çempion olmaq üçün yaxşı sürücünüz olmalıdır. Amma Ferrari-də sürücü yoxdur. Rəykkönenlə çempionluq mümkün deyil. Əsl qladiator olan Ferstappeni gözü bağlı alardım”.


Son Xəbərlər

İnformasiya

Bölüm Xəbərlər
Mənbə
Baxış Sayı 8. 174
Teqlər , , ,
Paylaş

logo