20 Noyabr 2017, Bazar ertəsi - 06:06

F.Alonso Avropa yarışlarını gözləyir…

F.Alonso Avropa yarışlarını gözləyir…

Müəllif: Elçin Zodorov, redaktor

10:04 - 24 Fevral, 2016

McLaren Honda testlərin ilk 2 günündə keçən il mövsümöncəsi testlərdə vurduğu ümumi dövrələrdən çox dövrə vurub. Bu da MP4-31-dəki yeni Honda mühərriyinin keçənilki mühərriklə müqayisədə daha etibarlı olduğunu göstərir.

F-1.az xəbər verir ki, ikiqat dünya çempionu maşının Avropa yarışları başladıqda ən ideal səviyyəyə çatacağını düşünür: “Hədəfimiz Avropa yarışları başladıqda ən yaxşı şassiyə sahib olmaqdır. Motivasiyamız olduqca yüksəkdir. Problemləri bir anda həll edə biləcəyimiz sehrli çubuğumuz yoxdu. Amma yaxşı yerlər uğrunda mübarizə apara biləcəyimizi hesab edirəm.

Keçən il öndəki komandalarla aramızdakı güc fərqi çox yüksək idi. Aerodinamika sahəsində bəzi yeniliklərimiz var idi. Bu il də var. Keçənilki testlər bizim üçün çox çətin idi. Amma o gündən bəri çox şey öyrənmişik. Yeni güc qurğumuz və dizayn fəlsəfəmiz var. Sadəcə ehtiyacımız olan şey vaxtdır…”

Alonso Mercedes-in güclü göründüyünü də qeyd edib: “Mercedes-in dominantlığı hələ bitməyib. Onlar çox güclüdürlər və istədikləri testləri edirlər. İlk 2 gün ərzində 328 dövrə vurublar. Bu, olduqca ağıllı bir addımdır və bir çox şeyə sahib olduqlarını göstərir.Böyük potensiala malikdirlər və məncə, son 2 ildən daha güclüdürlər”.

 


Son Xəbərlər

İnformasiya

Bölüm Xəbərlər
Mənbə
Baxış Sayı 276
Teqlər , , , , , ,
Paylaş

logo