16 Dekabr 2017, Şənbə - 01:30

Argentina Qran Prisi təqvimə qayıdacaq?

Argentina Qran Prisi təqvimə qayıdacaq?

Müəllif: Elçin Zodorov, redaktor

16:17 - 14 Avqust, 2017

Argentina Formula1-ə sonuncu dəfə 1998-ci ildə ev sahibliyi edib. O vaxtdan bəri isə təqvimə qayıdacaqları barədə dəfələrlə söz-söhbətlər gəzib.

F-1.az xatırladır ki, hətta 2011-ci ildə ölkə rəhbərliyi Buenos Ayres şəhərinin yaxınlığında yeni trasın tikintisinə də başlamışdı, lakin yarış yenə də baş tutmamışdı. Son günlərdə çıxan xəbərlərə görə, FİA yenidən bu məsələyə qayıdıb.

Formula1-in yarış direktoru Çarli Uaytinq ötən istirahət günlərində ölkənin paytaxtında yerləşən və Oskar Alfredo Qalvesin adını daşıyan trasa səfər edib – bu trasda 1953-cü ildən 1998-ci ilə qədər 20 yarış keçirilib. Yerli mətbuatın yazdığına görə, Uaytinq trasın mövcud vəziyyəti, infrastrukturu, yenidənqurma işlərinin miqyası və Formula1-in müasir standartlarına uyğunluğu barədə təsəvvür əldə etmək istəyib.

Uaytinqi trasa səfəri zamanı müşayiət edən ESPN telekanalının Argentinadakı redaksiyasının jurnalisti Matias Sançes suallara çox qısa cavab verib: “Məqsəd Formula1-i ölkəyə qaytarmaqdır”.

Lakin bunun reallaşacağı hələ dəqiq deyil. Formula1 rəhbərliyi bəlkə də bu addımı Braziliya Qran Prisinin təşkilatçılarını İnterlaqosdakı trasının müasirləşdirilməsi prossesini sürətləndirmələri üçün atıb…


Son Xəbərlər

İnformasiya

Bölüm Xəbərlər
Mənbə
Baxış Sayı 12. 549
Teqlər , , , , , ,
Paylaş

logo